+7 (701) 759 90 19
USD 387.37 EUR 428.55
RUB 6.06 CNY 55.06
Jańalyqtar

Atyraýda órtengen qonaqúıdegi balalardy qutqarǵan jigittiń esimi belgili boldy

2019 jylǵy 16 maýsym 16:41
Bólisińiz:
Atyraýda órtengen qonaqúıdegi balalardy qutqarǵan jigittiń esimi belgili boldy

ATYRAÝ. QazAqparat - Atyraý qalasynda órtke oranǵan qonaqúıdegi balalardy qutqarǵan jigittiń aty-jóni anyqtaldy, dep habarlaıdy QazAqparat.

«Men órtengen «Raıhan» meıramhanasynyń birinshi qabatynda ornalasqan dámhana qyzmetkeri syrtqa júgirip shyqanda, kóshede júrgenmin. Ol qonaqúıden órt shyqqanyn habarlap, baspaldaq surady. Muny bizdiń kúzetshimiz Nurken Dúısenbaev ta estidi. Men qarap úlgergenshe, ol qonaqúıge qaraı júgirdi. Nurken - bizde jumys istteıtin JOO stýdenti. Biraq biz onyń kez-kelgen ýaqytta kómek qolyn sozýǵa daıyn turatyn azamat ekenin biletinbiz. Arqa súıeýge turarlyq jigit. Ol kelgennen keıin, qolyn jaraqattap alǵanyn baıqadyq. Terezeni syndyrmaq bolǵanda kesip alǵanyn aıtty. Jedel járdem shaqyrtýdan bas tartty. Úıine qaıta berýge ruqsat etkenimizben odan da bas tartyp, tańǵy saǵat 5-ke deıin kezekshiligin atqardy. Jáne balalardy qalaı qutqarǵany týraly da tis jaryp aıtpady. Men búgin barlyǵyn áleýmettik jeliler arqyly bildim», - dedi «Bashnıa» meıramhanasynyń ákimshisi Gaýhar Jananova.

Oqys oqıǵa kezinde alty adam zardap shekken.

«Órtengen qonaqúıge 4 jedel járdem brıgadasy attandyryldy. Úsh adamǵa sol jerde kómek kórsetildi, olar denelerin azdap aýyrtyp alǵan, tyrnalǵan. Úsheýi ýlandy degen kúdikpen oblystyq aýrýhanaǵa jetkizildi. Onyń ekeýi bala, bireý áıel adam», - dedi oblystyq jedel járdem stansasynyń basshysy Erlan Súıeýǵalıev.

Eske sala ketsek, 16 maýsym kúni túnde Atyraýdyń M.Áýezov kóshesindegi «Raıhan» qonaqúıi órtengen. Órt ǵımarattyń astyńǵy qabatynda ornalasqan saýnadan shyqqan. Oqıǵa ornynda órt sóndirýshiler 3 balany qutqarǵan. Oǵan deıin sol mańdaǵy adamdar janyp jatqan ǵımarattan 29 bala men eki eresek adamdy qaýipsiz jerge shyǵaryp úlgergen.

Oblystyq TJD ishtegilerdi qutqarýǵa kirisken birneshe jas jigittiń aty-jónderin anyqtap jatqanyn málim etti. Áleýmettik jelide taralǵan kýágerlerdiń jazbasynda «Bashnıa» meıramhanasynyń kúzetshisi eń birinshi kómekke umtylyp, erekshe kózge túskeni jóninde aıtylǵan bolatyn.

Avtory A.Sokolov

Bizdiń kanalymyzǵa jazylyńyz:

Basty sózder: Atyraý oblysy, Qoǵam,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT