USD 434.24 EUR 492.69
RUB 5.67 CNY 68.46
Jańalyqtar

Atyraýda Memlekettik qyzmet isteri departamentine basshy taǵaıyndaldy

2021 jylǵy 7 shilde 16:23
Bólisińiz:
Atyraýda Memlekettik qyzmet isteri departamentine basshy taǵaıyndaldy

ATYRAÝ. QazAqparat – QR Memlekettik qyzmet isteri agenttigi tóraǵasynyń buıryǵymen Erlan Ermahanbetov Atyraý oblysy boıynsha departamentiniń basshysy-Ádep jónindegi keńes tóraǵasy bolyp taǵaıyndaldy, dep habarlaıdy QazAqparat.

Erlan Meıramhanuly Shymkent qalasynda dúnıege kelgen. Shymkent áleýmettik-pedagogıkalyq ýnıversıtetin «Memlekettik jáne jergilikti basqarý» mamandyǵy boıynga bitirgen. Sondaı-aq, ekonomıka ǵylymdarynyń magıstri akademııalyq dárejesi bar.

Eńbek jolyn 2006 jyly OQMMA-nyń jastarmen jumys jasaý boıynsha mamany qyzmetinen bastaǵan. A.ıAssaýı atyndaǵy HQTÝ-niń Oqý-klınıkalyq bazasynda Jastar isi boıynsha sektor meńgerýshisi bolǵan. 2013-2015 jyldary Shymkent qalasy, ál-Farabı aýdany ákimi apparatynyń halyqty áleýmettik qorǵaýǵa qoldaý kórsetý bóliminiń bas mamany, keıinen bólim basshysy laýazymyn atqarǵan.

Memlekettik qyzmet isteri jáne sybaılas jemqorlyqqa qarsy is-qımyl júıesinde 2015 jyldan bastap jumys isteıdi. 2015-2016 jyldary QR Memlekettik qyzmet isteri jáne sybaılas jemqorlyqqa qarsy is-qımyl agenttigi Ońtústik Qazaqstan oblysy boıynsha departamentiniń baspasóz hatshysy, 2016-2019 jyldary QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń ortalyq apparatynda Memlekettik qyzmetter kórsetý departamentiniń bas sarapshysy, bas konsýltanty bolyp jumys istegen.

2019 jyldan beri osy laýazymǵa deıin QR Memlekettik qyzmet isteri agenttiginiń Túrkistan oblysy boıynsha departamenti basshysynyń orynbasary-Ádep jónindegi keńes hatshylyǵynyń meńgerýshisi laýazymyn atqaryp keldi.

Eske sala ketelik, budan buryn Atyraý oblystyq áleýmettik baǵdarlamalar basqarmasyna jańa basshy taǵaıyndalǵan edi.


Bizdiń kanalymyzǵa jazylyńyz:

Bólisińiz:

Avtor:

Bek Mustafa

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT