Atyraýda qurylysshylar turyp jatqan vagondar órtendi
2022 jylǵy 29 qańtar 15:45

Atyraýda qurylysshylar turyp jatqan vagondar órtendi

ATYRAÝ. QazAqparat – Atyraýda qurylysshylar turyp jatqan eki vagon órtendi, dep habarlaıdy QazAqparat.

Keshe, 28 qańtarda túngi saǵat 23:37-de Atyraý qalasynyń «Bereke» shaǵynaýdanyndaǵy turǵyn úıdiń janynda turǵan eki vagon-konteıner órtengen.

Bir-birine japsarlas qoıylǵan vagon-konteınerlerde qurylysshylar turǵan. Órt elektr peshiniń qaraýsyz qalýynan tutanǵan. Vagon-konteınerlerde gaz ballondary bolǵan.

«Oqıǵa ornyna jedel jetken órt sóndirýshiler vagon-konteınerlerdiń ishinen 55 lıtrlik eki gaz ballonyn alyp shyqty. Sóıtip, gaz jarylysynyń aldyn aldy. Jalyn búgin, 29 qarashada saǵat 00:20-da oqshaýlandyrylyp, saǵat 00:21-de tolyq sóndirildi», - dep habarlady Tótenshe jaǵdaılar departamentiniń baspasóz qyzmetinen.

Órt sóndirýge departamenttiń 11 qyzmetkeri men 3 tehnıkasy jumyldyryldy. Zardap shekkender joq.

Eske sala ketelik, budan buryn Atyraý oblysynda kólikten shyqqan órt turǵyn úıdi sharpyǵan edi.


Avtor:
Tilshi

Jańalyqtar

MURAǴAT