Atyraýda kólikten denesin shyǵarǵandarǵa aıyppul salyndy
2022 jylǵy 1 sáýir 05:19

Atyraýda kólikten denesin shyǵarǵandarǵa aıyppul salyndy

ATYRAÝ. QazAqparat – Atyraýda tórt kólikten denesin shyǵarǵandarǵa aıyppul salyndy, dep habarlaıdy QazAqparat.

Oblystyq polıtsııa departamentiniń baspasóz qyzmetinen málim etkendeı, bul derek 30 naýryzda saǵat 18:30 shamasynda tirkelgen.

«Atyraý qalasyndaǵy Qurmanǵazy kóshesi men Sátbaev-Ernııazov kósheleriniń qıylysynda «Toyota Camry 40», «LADA Vesta», «Toyota Camry 50» jáne «LADA Granta»

avtokólikteri jol júrisi qaǵıdasyn buzǵan. Kólik quralynyń qozǵalysy kezinde jolaýshylar qaýipsizdik beldigin taqpaı, terezesinen jáne lıýkten denesin shyǵarǵan.

Júrgizýshiler joldyń júris bóliginde manevr qaǵıdasyn buzyp, apattyq jaǵdaı týdyrǵan. Memlekettik belgisi joq kólikti kámelet jasqa tolmaǵan, júrgizý quqyǵy joq

kúıde basqarǵany anyqtaldy», -dep habarlady departamenttiń baspasóz qyzmeti.

Osyǵan baılanysty «Toyota Camry 40» júrgizýshisi QR Ákimshilik quqyqbuzýshylyq týraly kodekstiń 593, 595-baptarymen, jolaýshysy 615-babynyń 1-bólimimen, al, «LADA Vesta» kóliginiń júrgizýshisine 593-baptyń 2-bóligimen, jolaýshysy 615-baptyń 1-bóligimen ákimshilik jaýapkershilikke tartyldy. «Toyota Camry 50» kóliginiń júrgizýshisi 17 jastaǵy jasóspirim ekeni anyqtalyp, oǵan 612-babynyń 2-bóligimen hattama toltyryldy. Avtokólik ıesine 612-babynyń 5-bóligimen 153 150 teńge aıyppul salyndy.

Kólik arnaýly turaqqa qoıyldy.

Al, «LADA Granta» kóliginiń júrgizýshisi 590, 593, 595 jáne 606-babymen ákimshilik jaýapkershilikke tartylyp, kóligi arnaýly turaqqa jetkizildi. Kóliktiń eki jolaýshysyna

615-babynyń 1-bóligimen ákimshilik hattama toltyryldy. Sondaı-aq, elimizdiń memlekettik Týy men Eltańbasyn, Gımnin paıdalaný jáne oryndaý tártibin buzǵan eki jolaýshyǵa qatysty 458-babynyń 2-bóligimen ákimshilik hattama jasaqtalyp, árqaısysyna 153 150 teńgeden aıyppul salyndy.

Eske sala ketelik, buǵan deıin atyraýlyq áıel páterinde júıkege áser etetin dárilerdiń 1 myńǵa jýyq danasyn saqtaǵanyn jazǵan edik.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT