Atyraýda kólik aýdarylyp, tórt adam qaza tapty

ATYRAÝ. QazAqparat –«Atyraý-Oral» tas jolynda «Toyota Camry» kóligi aýdarylyp, oqıǵa ornynda eki adam mert boldy, aýrýhanaǵa jetkizilgen eki jolaýshy da ajaldan aman alyp qala almady, dep habarlaıdy QazAqparat.

Uqsas jańalyqtar

Oralda avtobýs pen jeńil kólik soqtyǵysyp, bir adam qaza tapty

Oblystyq polıtsııa departamenti baspasóz qyzmetiniń málimetinshe, jol-kólik apaty búgin, 16 shildede saǵat 00:30 shamasynda «Atyraý-Oral» tas jolynyń Atyraý qalasyna kire berisinde bolǵan.

«1999 jyly týǵan azamat rýlge ıe bola almaı, kólik aýdarylyp ketken. Jol-kólik oqıǵasy saldarynan eki adam sol jerde qaza tapty. Kólik júrgizýshisi men bir jolaýshy oblystyq aýrýhananyń jansaqtaý bólimshesinde kóz jumdy. Qazirgi kezde taǵy bir jolaýshy ár túrli dene jaraqatymen aýrýhananyń jansaqtaý bóliminde jatyr», -dep habarlady baspasóz qyzmetinen.

Atalǵan oqıǵa baılanysty QR Qylmystyq Kodeksiniń 345-babynyń 4-bóligimen sotqa deıingi tergep-tekserý júrgizilýde.