Atyraýda kezekshi synyptarda oqýǵa  21 myń ótinish túsken

ATYRAÝ. QazAqparat –Atyraý oblysynda ata-analar tarapynan kezekshi synyptarda 21 myń oqýshyny oqytý úshin ótinish túsken, dep habarlaıdy QazAqparat.

Uqsas jańalyqtar

«Qyzyl» aımaqtaǵy Qostanaı oblysynda búkil oqýshylar qashyqtan oqıdy

Mahambet Dosmuhambetov «Teńizshevroıldyń» jańa dırektoryn qabyldady Aqtóbelik oqýshy vırýstan qorǵaıtyn «aqyldy maska» oılap tapty Bilim mınıstri mektep basshylaryn taǵaıyndaý men olardyń jalaqysyn arttyrý jaıynda aıtty

Óńirlik kommýnıkatsııalar qyzmetiniń málimetinshe, jańa oqý jylynda qatań sanıtarlyq sharalardy saqtaı otyryp, bastaýysh synyptyń oqýshylary úshin 170 mektepte kezekshi synyptar ashylmaq.

«Jańa oqý jylynda «kezekshi synyptarda» oqýshylar 140 synyp jıyntyǵynda oqıdy dep josparlap otyrmyz. Synyptaǵy bala sany 15-ten aspaıtyn bolady. Osyǵan oraı ata-analar tarapynan 21 myń ótinish tústi», - deıdi Bilim berý basqarmasy basshysynyń ýaqytsha mindetin atqarýshy Almagúl Qaıyrlıeva.

Onyń aıtýynsha, kezekshi synyptarda bastaýysh synyptyń ǵana emes, shaǵyn komplektili mekteptiń oqýshylary da oqı alady. Qazir oblys kóleminde 14 shaǵyn komplektili mektep bar. Jańa oqý jylynda osy mektepterde 880 oqýshy shtattyq rejımde ıaǵnı, burynǵysha oqıdy dep josparlanýda.

Eske sala ketelik, buǵan deıin Atyraý oblysynda 470 muǵalim jetispeıtinin jazǵan edik.