+7 (701) 759 90 19
USD 385.55 EUR 426.57
RUB 6.05 CNY 54.77
Jańalyqtar

Atyraýda qazaqtyń tuńǵysh ushqysh qyzy Hıýaz Dospanovanyń eskertkishi ashyldy

2019 jylǵy 16 qyrkúıek 21:14
Bólisińiz:
Atyraýda qazaqtyń tuńǵysh ushqysh qyzy Hıýaz Dospanovanyń eskertkishi ashyldy

ATYRAÝ. QazAqparat - Atyraý halyqaralyq áýejaıy alańynda qazaqtyń tuńǵysh ushqysh qyzy, Halyq qaharmany Hıýaz Dospanovaǵa arnalǵan eskertkish ashyldy, – dep habarlaıdy QazAqparat tilshisi.

1922 jyldyń 15 mamyrynda Atyraý oblysynda dúnıege kelgen Hıýaz Ekinshi dúnıejúzilik soǵysta erligimen tanylǵan, al soǵystan keıin qaıratkerligimen daralanǵan qazaqtyń qaharman qyzy. Onyń erligine bas ıgen jerlesteri áýejaı aldynda batyrǵa arnalǵan eskertkish ornatý týraly bastama kótergen bolatyn.



Qazaqtyń tuńǵysh ushqysh qyzyna arnalǵan eskertkishtiń saltanatty ashylýyna Atyraý oblysynyń ákimi Nurlan Noǵaev pen elimizdiń ár óńirinen kelgen zııaly qaýym ókilderi qatysty. Sondaı-aq, eskertkishtiń ornatylýyna bastamashy bolǵandardyń biregeıi - «Aıqyn» gazetiniń Atyraý oblysy boıynsha menshikti tilshisi Tursyn Qalımova men batyrdyń baýyry, jerlesteri keldi.
«El basyna kún týǵan sátte er azamattarmen birge sapqa turdy. Mánshúk, Álııa, Hıýaz. Eshkim olardy mindettemedi. Júrek qalaýymen eldiń bolashaǵy úshin óz ómirin qurban etti. Qazirgi tańda Elbasynyń tapsyrmasymen eldiń damý strategııasynda kórsetilgen mejelerdiń biregeıi – áıel qaýymyna úlken qurmet kórsetý. Sondyqtan da búgingi saltanatty shara barsha analarymyzǵa, qazaq qyzdaryna sonyń ishinde biregeıi - Hıýaz Dospanovaǵa qurmet bolyp tabylady», – dedi Atyraý oblysynyń ákimi Nurlan Noǵaev. Atyraý Halyqaralyq áýejaıyna ornalasqan eskertkishtiń bıiktigi – 2 metr 30 santımetr. Qoladan quıylǵan eskertkishte Hıýaz Dospanovanyń soǵysqa attanǵan boıjetken qalpy saqtalǵan.




Bizdiń kanalymyzǵa jazylyńyz:

Basty sózder: Atyraý oblysy, Jeńis kúni,
Bólisińiz:

Avtor:

Abaı Abylaıuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT