Atyraýda qatty jel perzenthananyń shatyryn ushyryp ketti
2022 jylǵy 5 shilde 02:51

Atyraýda qatty jel perzenthananyń shatyryn ushyryp ketti

ATYRAÝ. QazAqparat - Atyraýda qatty jel oblystyq perınataldyq ortalyq ǵımaratynyń shatyryn ushyryp ketti, dep habarlaıdy QazAqparat tilshisi óńirlik TJD baspasóz qyzmetine silteme jasap.

«4 shilde kúni 20:00 shamasynda Atyraýda qatty jel oblystyq perınataldyq ortalyq ǵımaraty shatyrynyń bir bóligin ushyryp ketti. Ǵımarat bes qabatty. Jel julyp ketken shatyr bóligi 500 sharshy metr aýmaqty qamtıdy. Oqıǵa kezinde eshbir adam japa shekpedi. Tek eki qyzmetkerdiń kóligi qulaǵan shatyrdyń astynda qaldy. Apat bolǵan jerde óńirlik tótenshe jaǵdaılar qyzmetiniń mamandary jumys istep jatyr» delingen habarlamada.

Buǵan deıin jergilikti atqarýshy bılik bıyl oblystyq perınataldyq ortalyq ǵımaratyna túbegeıli jóndeý jumysy júrgiziletinin habarlaǵan edi.

Jańalyqtar

Úrdis

MURAǴAT