Atyraýda ınnovatsııalyq jobalar konkýrsynyń jeńimpazdary anyqtaldy
2021 jylǵy 9 qazan 12:44

Atyraýda ınnovatsııalyq jobalar konkýrsynyń jeńimpazdary anyqtaldy

ATYRAÝ. QazAqparat – Atyraýda ekologııa, IT jáne medıa salasyndaǵy «Atyrau youth hackathon» ınnovatsııalyq jobalar konkýrsynyń jeńimpazdary anyqtaldy, dep habarlaıdy QazAqparat.

Sheshendik óner mektebiniń jetekshisi Nurlan Azamatovtyń aıtýynsha, konkýrsqa 76 ótinim túsken. Qatysýshylardyń jobalaryn baǵalaýda Atyraý aımaǵynda iske asyrýǵa bolatyn jobalarǵa basymdyq berilgen.

Qazylar alqasy 9 jobany úzdik dep tanydy. Úzdik joba avtorlarynyń biri – Ásem Imanǵalıeva. Ol kúkirtten qaldyqsyz tsement óndirý tásilin usynǵan.

«Bul jobanyń aıasynda úsh jyl izdendim. Zertteý júrgizý úshin Atyraý munaı óńdeý zaýytynyń kúkirtin, mazýt jáne kvarts topyraǵyn paıdalandym. Birinshiden, kúkirtti ashyq kúıde saqtaýdyń qorshaǵan ortaǵa ekologııalyq turǵydan zardaby bar. Naqtylaı

aıtqanda, bul adamdardyń sozylmaly aýrýlaryn kúsheıtedi. Ekinshiden, Atyraý munaı óńdeý zaýyty kúkirtti Qytaıǵa óte arzan baǵamen eksporttap otyr. Men qaldyqtardy qurylys materıalyn jasaý arqyly qaıta qoldaný týraly ıdeıany iske asyrýdy kózdedim.

Bul úshin Ońtústik Qazaqstan memlekettik ýnıversıtetiniń zerthanasynda qaýipti eksperımentter jasadym. Zertteýlerim sátti boldy. Endi tolyqqandy ónim alý úshin bul jobany áli de jetildirý kerek»,- deıdi Ásem Imanǵalıeva.

Osy jobasy úshin Ásem Imanǵalıeva birinshi júldege ıe boldy. Sondaı-aq, «Atyraý-Bilim», «Quic pro» komandalary jeńimpaz dep tanyldy. Olarǵa 300 myń teńge sertıfıkattary tapsyryldy.

Ekinshi júlde úshin 200 myń teńge sertıfıkattary Nazerke Armanqyzy, Altynaı Serikbaı jáne «Estý apparaty» komandasyna berildi. Úshinshi júldeniń 100 myń teńgelik sertıfıkatyn Janel Myrzataeva, Narýalıthan Haırýllın men «Bir jol» komandasy

ıelendi.

Eske sala ketelik, budan buryn Atyraýda Jumeken Nájimedenov atyndaǵy kórkem sóz oqý sheberleriniń respýblıkalyq baıqaýy

ótkenin jazǵan edik.


Avtor:
Tilshi

Jańalyqtar

MURAǴAT