+7 (701) 759 90 19
USD 414.46 EUR 451.35
RUB 5.77 CNY 58.12
Jańalyqtar

Atyraýda halyq jazýshysy Hamıt Erǵalıevke eskertkish ornatyldy

2019 jylǵy 13 jeltoqsan 20:17
Bólisińiz:
Atyraýda halyq jazýshysy Hamıt Erǵalıevke eskertkish ornatyldy

ATYRAÝ. QazAqparat- Táýelsizdik kúni qarsańynda Atyraýda Qazaqstan Respýblıkasynyń halyq jazýshysy, Memlekettik syılyqtyń laýreaty, aıtýly aqyn Hamıt Erǵalıevke eskertkish ornatyldy, dep habarlaıdy QazAqparat tilshisi.

Saltanatty sharany ashqan Atyraý oblysy ákimi Nurlan Noǵaev eskertkishtiń ornalasqan jeriniń ózi «Jaıyqtyń jaǵasy – erekshe ekenin atap ótti. «Hamıt aǵamyzdyń ózi jyrlap ótken Aq Jaıyqtyń boıynda, ózenge kóz tastaǵan záýlim eskertkishi boı kóterdi. Sońǵy kúnine deıin óziniń elin, jerin jyrlap, jazyp, tasqa tańba basqandaı etip ketti. Bir sózben aıtqanda, óz eline bir adamdaı eńbek etti. Mine, myna alańǵa aldaǵy ýaqytta jınalatyn atyraýlyqtar men qala qonaqtary, osy eskertkishke kóz tastap, Hamıt aǵamyzdyń óleńderimen tanysyp, óz boılaryndaǵy ultqa, elge, jerge degen sezimderin nyǵaıtady degen senimdemin», - dedi Nurlan Noǵaev. Eskertkish avtory – músinshi Nurǵalym Isabaevtyń aıtýynsha, bıiktigi jeti metr bolatyn músin qoladan quıylǵan. Aqynnyń bar bolmysyn berý úshin, sheber bir jyl boıy tynymsyz eńbek etken. Eskertkishtiń ashylý saltanatyna Hamıt Erǵalıevtiń ul-qyzy – Murat Erǵalıev pen Gúljan Erǵalıeva, Qazaqstan Jazýshylar odaǵy basqarma tóraǵasynyń orynbasary Mereke Qulkenov jáne Atyraý oblysynyń qoǵam jáne mádenıet qaıratkerleri qatysty. Arqaly aqyn Hamıt Erǵalıev 1916 jyly Isataı aýdanynyń Novobogat aýylynda týǵan. Qazir, bul aýyl aqynnyń atymen atalady. 1940 jyldan ásker qatarynda kavalerııa bóliminde eskadron komandıri bolǵan. Ekinshi dúnıejúzilik soǵys kezinde Býdapesht mańyndaǵy urystardyń birinde aýyr jaralanyp, 1945 jyly elge qaıtarylady. ІІ deńgeıli UOS ordenimen, eki márte Eńbek Qyzyl tý ordenimen, Qurmet belgisi men Halyqtar dostyǵy ordenderimen jáne kóptegen medaldarmen marapattalǵan. Alǵashqy óleńderi 1936 jyly basyldy.

Otyzdan astam kitaptyń avtory – Hamıt Erǵalıev – qazaq ádebıetinde ózindik aıqyn izin qaldyrdy. 1982 jyly «Altyn zeren» kitaby úshin Abaı atyndaǵy Memlekettik syılyq tabystalsa, 1986 jyly – Qazaqstannyń halyq jazýshysy qurmetti ataǵy berildi.

Bizdiń kanalymyzǵa jazylyńyz:

Basty sózder: Atyraý oblysy, Ádebıet,
Bólisińiz:

Avtor:

Abaı Abylaıuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT