+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Atyraýda Farıza aqynnyń shyǵarmashylyǵyn nasıhattaýǵa arnalǵan estafeta bastaldy

2019 jylǵy 15 qarasha 08:58
Bólisińiz:
Atyraýda Farıza aqynnyń shyǵarmashylyǵyn nasıhattaýǵa arnalǵan estafeta bastaldy

ATYRAÝ. QazAqparat – Atyraýda poezııa padıshasy Farıza Ońǵarsynovanyń týǵanyna 80 jyl tolýyna oraı mektep oqýshylary arasynda aqynnyń shyǵarmalaryn nasıhattaýǵa arnalǵan aktsııa bastaldy, dep habarlaıdy QazAqparat tilshisi.

Nazarbaev Zııatkerlik mektebiniń oqýshylary qolǵa alǵan bul jobaǵa oblys ortalyǵyndaǵy mektepter qatysýda.

Atalǵan aktsııa zııatkerlik oqý orynynda «Úzdik Farızatanýshy» oqýshylar baıqaýymen bastaldy. Birneshe kezeńmen ótken ádebı-tanymdyq saıysqa mekteptiń 8 oqýshysy qatysty. Aldymen olar aqynǵa arnaýyn oqyp, keıin Farıza shyǵarmashylyǵyna negizdelgen ǵylymı eńbekterin qorǵady. Al sheshýshi kezeńde ár qatysýshy mektep Shańyraqtarynyń qoldaýymen poezııa padıshasynyń ónerdegi jáne ómirdegi sátterinen sahnalyq qoıylymdardy usyndy.

«Farıza murasyn nasıhattaýǵa arnalǵan sharaǵa oqýshylar jaqsy daıyndyqpen kelgen. Olar sóz óneriniń qasıetin, aqynnyń bolmysyna tán shyǵarmashylyq sıpattyń mánin anyq uǵynyp tur», - deıdi ónerli jastardyń daıyndyǵyn baǵalaýǵa kelgen Halyqaralyq «Shabyt» festıvaliniń bas júldegeri, ádil-qazylar alqasynyń múshesi Baqytgúl Babash.



«Úzdik Farızatanýshy» baıqaýynda zııatkerlerdiń sahnadaǵy ónerin Mahambet Ótemisuly atyndaǵy akademııalyq oblystyq qazaq drama teatrynyń ártisi Ázilhan Serikbaıuly da baǵalaýǵa keldi. Teatr mamany balalardyń sahna mádenıeti, jalpy ónerge degen qabiletteriniń joǵary ekenin aıtady. Al Ybyraı Altynsarın atyndaǵy tósbelginiń ıegeri, pedagog Aqmaral Qamenova qazirgi býynnyń Farıza shyǵarmashylyǵyna suranysy artyp kele jatqandyǵyna dán rıza.


«Úzdik Farızatanýshy» baıqaýynyń qorytyndysy boıynsha úzdik kóringen qatysýshylar arnaıy dıplomdarmen marapattaldy. Al aqynnyń 80 jyldyǵyn toılaýǵa baǵyttalǵan ádebı sharany ári qaraı jalǵastyrý qala mektepteriniń enshisine buıyrdy. Bul kúni sharany tamashalaýǵa kelgen jalpy bilim beretin mektepterdiń ókilderine «Úzdik Farızatanýshy» baıqaýynyń sharttary men erejeleri tabystaldy. Osylaısha Naryn topyraǵynan shyqqan alty alashqa áıgili qazaq qyzynyń shyǵarmashylyǵyna arnalǵan ádebı estafeta aqynnyń týǵan kúninde, ıaǵnı 5 jeltoqsanda, Nazarbaev Zııatkerlik mektebinde qorytyndylanatyn boldy.


Bizdiń kanalymyzǵa jazylyńyz:

Bólisińiz:

Avtor:

Abaı Abylaıuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT