+7 (701) 759 90 19
USD 428.68 EUR 507.21
RUB 5.57 CNY 64.2
Jańalyqtar

Atyraýda elektr energııasyn óndirýge qamys paıdalanylady

2020 jylǵy 27 tamyz 22:36
Bólisińiz:
Atyraýda elektr energııasyn óndirýge qamys paıdalanylady

ATYRAÝ. QazAqparat - Atyraýda «Kazakh Invest» UK» AQ qoldaýymen «KAMYSAY» bıoóńdeý zaýyty salynady, dep habarlaıdy QazAqparat.

Qazaqstandyq kompanııa jylý jáne elektr energııasyn óndirý kezinde JEO-da odan ári paıdalaný úshin qamys óńdeýmen aınalysýdy josparlap otyr. Bul - Ortalyq Azııada ónerkásiptik masshtabtaǵy qazbaly otyndy bıootynǵa aýystyrý jónindegi alǵashqy joba.

Óndiriske salyn baq ınvestıtsııa kólemi - shamamen 1 mln eýro. Іske asyrý merzimi - 2020-2022 jyldar.

Joba bastamashylarynyń aıtýynsha, zamanaýı tehnologııalar qamysty bıokómir, mazýt, gaz jáne dızel otynyn óndirý úshin paıdalanýǵa múmkindik beredi.

Sonymen qatar, joba barynsha ekologııalyq taza bolady: bıomassany qaıta óńdeý hımıkatsyz nemese basqa da zııandy qospasyz júrgiziledi. Jergilikti ákimdik jobany iske asyrý úshin 50 ga jer telimin bóldi.

«Qamys - jańartylatyn energııa kózi. Bizdiń aımaqtyń aýmaǵynda ol 200 myń gektarda ósedi, 100 kúnde ósimdik bıiktigi 4 metrge jetedi. Qamystyń bul túrin qaıta óńdeý statsıonarlyq shaǵyn JEO-da 1-den 30 MVt-qa deıin «jasyl» energııa óndirýge múmkindik beredi», - dep atap ótti Atyraý oblysy boıynsha «KAZAKH INVEST» UK» AQ aımaqtyq dırektory Erjan Kólbaev.

Sonymen qatar, óndiris úlken eksporttyq áleýetke ıe. Eýropa elderinde qamystan jasalǵan bıokómirdi qoldaný jospary jasaldy. Jyl saıyn 200 myń tonnadan astam eksport josparlanýda, bul 1 mln kVt astam jylý energııasyna balamaly.

«Jobany qarjylandyrý máselesin sheshý úshin biz qazirgi ýaqytta sheteldik kompanııalarmen kelissózder júrgizip jatyrmyz. Sonymen qatar, Eýropalyq qaıta qurý jáne damý banki, Dúnıejúzilik bank jáne Qazaqstannyń Damý Banki sııaqty halyqaralyq bankterden qarajat alýdy josparlap otyrmyz», – dep habarlady «KAMYSAY ATYRAU» JShS resmı ókili Salamat Jaskelenov.

Bastamashylar bul joba aımaqtyń energııa jáne jylý tutynýynyń birqatar máselelerin sheshýge kómektesetinin atap ótti.

Bıoqazandyq óndirisi jergilikti naryqtyń alys eldi mekenderde, jylyjaılarda, mektepterde, aýrýhanalarda jáne otyn retinde kómir, dızel otyny men mazýt qoldanylatyn ónerkásiptik obektilerde «jasyl» jylý jáne elektr energııasyna qajettiligin qamtamasyz etýge múmkindik beredi.

Atmosferaǵa kómirqyshqyl gazyn shyǵarý kólemi aıtarlyqtaı tómendeıdi.

Sonymen qatar, joba halyqty jumyspen qamtý máselesin sheshedi.

Zaýyt qurylysynda 500-den astam adam jumys isteıdi, al paıdalanýǵa berilgennen keıin 350-ge jýyq turaqty jumys orny ashylady.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Kanat Tokabaev
Kanat Tokabaev
954-059

MURAǴAT