+7 (701) 759 90 19
USD 425.05 EUR 509.29
RUB 5.58 CNY 64.66
Jańalyqtar

Atyraýda ekologııalyq problemalardy sheshýge arnalǵan «Jol kartasy» daıarlandy

2020 jylǵy 1 qarasha 03:10
Bólisińiz:
Atyraýda ekologııalyq problemalardy sheshýge arnalǵan «Jol kartasy» daıarlandy

ATYRAÝ. QazAqparat - Atyraýda ekologııalyq problemalardy keshendi sheshýge arnalǵan «Jol kartasy» jasaqtaldy, dep habarlaıdy QazAqparat.

Uqsas jańalyqtar
«Tuńǵysh Prezıdent kúni» qarsańynda Túrkistan qalasynda 500 túp aǵash otyrǵyzyldy Pavlodardyń alıýmınıı zaýytyna zamanǵa saı eki súzgi ornatyldy Almatyda kesilgen aǵashtar: Sulpak kompanııasy málimdeme jasady

​ «Jol kartasy» Atyraý óńiriniń ekologııalyq ahýalyn ońaltýǵa, qaladaǵy aýa sapasyn jaqsartýǵa múmkindik beredi. Bul týraly aımaq basshysy Mahambet Dosmuhambetovtiń qatysýymen onlaın formatta ótken Atyraý oblystyq máslıhatynyń kezekti sessııasynda aıtyldy.

Atyraý oblysy boıynsha Ekologııa departamenti basshysynyń orynbasary Syrym Tilegenovtiń aıtýynsha, «Jol kartasyna» sáıkes, aýaǵa shyǵarylatyn lastaýshy zattardyń kólemin oblys aýmaǵynda 300 myń tonnadan 264,3 myń tonnaǵa deıin azaıtý kózdelip otyr.
«Jaıyq ózeni basseıiniń ekologııalyq saýyqtyrý jáne gıdrologııalyq rejımin zerdeleý jóninde baǵdarlama ázirlenýde. ​ Jáne aǵash egý arqyly orman qoryn molaıtý, eldi mekenderdi kógaldandyrý, Atyraý qalasy aımaǵynda «jasyl beldeý» qurý máseleleri boıynsha jumystar atqarylýda» dep atap ótti Ekologııa departamenti basshysynyń orynbasary Syrym Tilegenov.
«Jasyl beldeý» qurý jobasyna birinshi kezekte munaı-gaz salasyndaǵy iri tabıǵat paıdalanýshy kompanııalar tartylady.
«Sonymen birge, Atyraý qalasynyń sol jaq bóliginde salynyp jatqan kárizdik tazartý ǵımaratynan shyqqan tehnıkalyq sýlardy jasyl ekpelerdi sýarýǵa paıdalaný máselesi de qarastyrylyp otyr. Jáne Jeltaý memlekettik tabıǵı parkin qurý, Tasshaǵyl (Aral – Báıtik) memlekettik tabıǵı qoryǵyn qurý, Balbulaq memlekettik tabıǵı qoryǵyn qurý boıynsha tehnıkalyq ǵylymı negizdemeler jasaqtalýda. Tabıǵı qoryqtardyń qurylýy – oblys aýmaǵynda ekologııalyq tepe-teńdikti saqtaýǵa múmkindik beredi», - dedi Tabıǵı resýrstar jáne tabıǵat paıdalanýdy retteý basqarmasynyń basshysy Qadyrjan Arystan.
Máslıhat sessııasyna arnaıy qatysqan Atyraý oblysynyń ákimi Mahambet Dosmuhambetov aýaǵa tastalatyn óndiris jáne túrli qaldyqtardyń azaıý dınamıkasy baıqalyp otyrǵanyn atap ótti. «Degenmen, másele bar. Jaıyqtyń sol jaǵalaýynda kárizdik tazartý ǵımaraty iske qosylady, nátıjesinde «Sasyq saı» býlandyrý alańy qalpyna keltiriledi.​ Jaıyqtyń oń jaǵalaýynda da osyndaı ǵımarat salý josparlanýda. Jáne Atyraý qalasynyń oń, sol jaǵalaýlarynda, oblystyń alty aýdanynda, qatty turmystyq qaldyqtardy suryptaý keshenderi salynady. Bul sharalar oblys ekologııasyn jaqsartýǵa jaǵdaı týǵyzady», - dep atap ótti Atyraý oblysynyń ákimi Mahambet Dosmuhambetov.
Eske sala ketelik, Atyraý oblysy boıynsha ekologııa departamenti aǵymdaǵy jyldyń toǵyz aıynda 46 márte tekserý júrgizdi. Tekserý barysynda elimizdiń ekologııalyq zańnamasyn buzǵan 130 jaǵdaı anyqtalyp otyr.
«Anyqtalǵan derekter boıynsha 54 ákimshilik is qozǵaldy. Nátıjesinde 88 mıllıon 422 myń 239 teńge aıyppul salyndy. Aıyppul óndirilgen kompanııalar qatarynda «Embimunaıgaz» AQ, «Atyraý halyqaralyq áýejaıy» AQ, «Atyraý sý arnasy» mekemeleri bar», - dedi Atyraý oblysy boıynsha Ekologııa departamenti basshysynyń orynbasary Syrym Tilegenov.

Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT