Atyraýda eki kásiporynǵa aýany lastaǵany úshin 6 mln teńgege jýyq aıyppul salyndy

2022 jylǵy 30 qarasha, 14:35
Atyraýda eki kásiporynǵa aýany lastaǵany úshin 6 mln teńgege jýyq aıyppul salyndy

ATYRAÝ. QazAqparat – Atyraýda eki kásiporynǵa aýany lastaǵany úshin 6 mln teńgege jýyq aıyppul salyndy, dep habarlaıdy QazAqparat.

Oblystyq sanıtarııalyq-epıdemıologııalyq baqylaý departamenti baspasóz qyzmetiniń málimetinshe, Atyraý qalasy turǵyndarynyń atmosferalyq aýanyń lastanýyna shaǵymy kóbeıgen. Osyǵan baılanysty qurylǵan mobıldik top qurylǵan túngi ýaqytta atmosferalyq aýa synamasyn alady.

«Atmosferalyq aýaǵa monıtorıng Atyraý qalasynyń selıtebti aımaǵyndaǵy 29 núktede, Jylyoı aýdanyndaǵy Qulsary qalasynda 17 núktede uıymdastyryldy. Bıylǵy 10 aıdyń qorytyndysymen sanıtarııalyq-gıgıenalyq zerthana selıtebti aımaqtan 24 ıngredıentke 8 038 ret synama alyp, tekserý júrgizdi. Máselen, Atyraý qalasynda alynǵan 15 synamada (0,3%), Qulsary qalasynan alynǵan 4 synamada (0,1%) atmosferalyq aýada zııandy zattardyń mólsheri joǵary ekeni (kerosın-5, benzın-1, kúkirt dıoksıdi-8, ızopropıl benzol-4, S1-S5 kómirtegi-1) ekeni anyqtaldy. Atmosferalyq aýany lastaýshy nysandardy anyqtaý úshin jumys toby quryldy. Top quramynda quzyretti organdar men múddeli tulǵalar engizildi. Atyraý oblysy boıynsha ekologııa departamentiniń qatynas haty negizinde «Atyraý munaı óńdeý zaýyty» men «NefteStroıServıs LTD» JShS-ǵa kómirsýteginiń, kómirtegi oksıdiniń jáne kómirsýteginiń shekti ruqsat etilgen kórsetkishinen asý deregimen 5 mln 880 myń 960 teńge aıyppul salyndy», -dep habarlady departamenttiń baspasóz qyzmeti.

Eske sala ketelik, buǵan deıin Atyraý oblysynda munaıǵa uqsas suıyqtyq tógilgen jer tabylǵanyn jazǵan bolatynbyz.


Uqsas jańalyqtar
Tegı:
Seriktester jańalyqtary

Jańalyqtar