Atyraýda dızel otyny men alkogoldi zańsyz satqandar ustaldy
2022 jylǵy 4 shilde 15:39

Atyraýda dızel otyny men alkogoldi zańsyz satqandar ustaldy

NUR-SULTAN. QazAqparat - Atyraý oblysynda aktsızdeletin ónimderdiń zańsyz saýdasynyń joly kesildi, dep habarlaıdy QazAqparat Memlekettik kirister komıtetine silteme jasap.

Atyraý oblysynyń Jylyoı aýdany boıynsha memlekettik kirister basqarmasy 2022 jyldyń maýsym aıynda aktsızdeletin ónimderdiń zańsyz aınalymyn anyqtaý jáne jolyn kesý boıynsha is-sharalar júrgizip, nátıjesinde 2 jeke tulǵanyń 1300 lıtr alkogol ónimderin jáne 2500 lıtr dızel otynyn zańsyz jolmen satqanyn anyqtady.

«Іs materıaldary Jylyoı aýdandyq sotyna joldandy.

Jalpy aǵymdaǵy jyldyń birinshi jartyjyldyǵynda Atyraý oblysynda 139 myń lıtr dızel otynynyń, 338 myń lıtr janarmaıdyń, 4 myń lıtr alkogol ónimderiniń jáne 260 qorap temeki ónimderiniń zańsyz saýdasynyń joly kesildi», - dep jazdy vedomstvodan.

Kóleńkeli ekonomıkanyń aldyn alý maqsatynda aktsızdeletin ónimderdiń zańsyz aınalymyn anyqtaý jáne jolyn kesý boıynsha is-sharalar aldaǵy ýaqytta da jalǵasyn tappaq.



Uqsas jańalyqtar
Seriktester jańalyqtary

Jańalyqtar

Úrdis

MURAǴAT