+7 (701) 759 90 19
USD 443.50 EUR 479.47
RUB 5.79 CNY 62.51
Jańalyqtar

Atyraýda «Biz – Jeńistiń muragerimiz!» estafetasy ótti

2020 jylǵy 28 aqpan 17:58
Bólisińiz:
Atyraýda «Biz – Jeńistiń muragerimiz!» estafetasy ótti

ATYRAÝ. QazAqparat –Atyraý qalasyndaǵy Jeńis saıabaǵynda «Biz – Jeńistiń muragerimiz!» estafetasy ótti, dep habarlaıdy QazAqparat.

Uqsas jańalyqtar
Qaraǵandy mektebinde Martbek Mamraev murajaıy ashyldy Maıdanda muz jastanyp, qar jamylsaq ta, ar-namysymyzdy joǵaltpadyq – Rabıǵa Zaınýllına Kım Serikbaev: Jeńis - jastardy patrıottyq rýhta tárbıeleýdiń jarqyn úlgisi

Estafetanyń negizgi atrıbýty – 1941 jyly Almaty qalasynda jasaqtalyp, Máskeýden Berlınge deıin jetken Sovet Odaǵynyń Batyry, general-maıor I.Panfılov atyndaǵy 8-gvardııalyq motoatqyshtar dıvızııasynyń jaýyngerlik týynyń kóshirmesi. Ony Qazaqstan áskerı-tarıhı mýzeıiniń Almaty qalasyndaǵy fılıaly usyndy. Bul estafeta respýblıkalyq mańyzy bar úsh qala men oblys ortalyqtary jáne shaǵyn jeti qalada ótedi.

Atyraý –bıylǵy 5 aqpanda Almaty qalasynan bastaý alǵan estafetany qabyldaǵan segizinshi qala. Tý kóshirmesin qabyldaý sharasyna polıtsııa, tótenshe jaǵdaılar, qylmystyq-atqarý júıesi departamentteri, Ulttyq ulannyń óńirlik qolbasshylyqtary, áskerı bólimderi men bólinisteri, soǵys ardagerleri, mektep oqýshylary men áskerı-patrıottyq klýbtardyń tárbıelenýshileri, qoǵamdyq uıymdardyń ókilderi qatysty.

Sharada Atyraý qalasy ákiminiń orynbasary Ulyqbek Tinálıev, oblystyq polıtsııa departamenti basshysynyń orynbasary Ádilhan Baıdosov, Atyraý qalalyq ardagerler keńesiniń tóraǵasy Álipqalı Bekesh jáne «Batys» óńirlik qolbasshylyǵy qolbasshysynyń tárbıe jáne áleýmettik quqyqtyq jumystar jónindegi orynbasary Baqyt Alazov Jeńisti jaqyndatqan maıdangerlerdiń erligi týraly áńgimeledi. Sodan soń Ulttyq Ulannyń 5547 áskerı bólimi komandıriniń orynbasary, podpolkovnık Nurlan Shegenovten Atyraýdaǵy 5546 áskerı bólimi komandıriniń orynbasary, maıor Tımýr Rahımov jaýyngerlik tý kóshirmesin qabyldap aldy.

Áskerı orkestr soǵys jyldaryndaǵy ánderdi oryndady. Ulttyq Ulannyń 5546 áskerı bóliminiń jaýyngerleri saltanatty sherýmen ótip, ardagerlerge áskerı formatta sálemdesti.

Endi jaýyngerlik týdy atyraýlyq áskerıler Mańǵystaýdaǵy áriptesterine tabys etedi.


Bizdiń kanalymyzǵa jazylyńyz:

Basty sózder: Atyraý oblysy, Qoǵam, Jeńis kúni,
Bólisińiz:

Avtor:

Joldasbek Kósherbaıuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT