Atyraýda aýa raıyna baılanysty oqýshylar mektepke barmaıdy

ATYRAÝ. QazAqparat – Atyraýda aýa raıynyń qolaısyzdyǵyna baılanysty kezekshi synyp oqýshylary onlaın formatta oqıdy, dep habarlaıdy QazAqparat.

Buǵan deıin 23 aqpanda ekinshi aýysymdaǵy 1-5 synyptardyń oqýshylary úshin oflaın sabaq onlaın formatqa aýystyrylǵan edi.

Mundaı formattaǵy oqý keshe, 24 aqpanda da jalǵasty.

Al búgin, 25 aqpanda kezekshi synyptardaǵy oflaın sabaq onlaın formatqa aýystyrylyp otyr.

Eske sala keteıik, biz buǵan deıin elimizdiń birqatar óńirinde aýa raıyna baılanysty eskertý jarııalanǵanyn jazǵan bolatynbyz.

Erteń Qazaqstan aýmaǵynyń basym bóliginde fronttardyń áserinen turaqsyz aýa raıy saqtalady. Elimizdiń ońtústiginde, ońtústik-shyǵysynda túnde qatty qar jaýady, tek batysynda antıtsıklon yqpalymen jaýyn-shashyn jaýmaıdy.