Atyraýda alımentin tólemegen boryshkerdiń kólik júrgizý kýáligin paıdalanýy ýaqytsha toqtatyldy
2022 jylǵy 27 qańtar 21:30

Atyraýda alımentin tólemegen boryshkerdiń kólik júrgizý kýáligin paıdalanýy ýaqytsha toqtatyldy

ATYRAÝ. QazAqparat – Atyraýda alımentin tólemen boryshkerdiń kólik júrgizý kýáligin paıdalanýy ýaqytsha toqtatyldy, dep dep habarlaıdy QazAqparat.

Mahambet aýdanynda turatyn boryshkerdiń tólenbegen alımentiniń bereshegi 2 mln 257 myń 567 teńgege jetken. Osyǵan baılanysty jeke sot oryndaýshy Mahambet aýdandyq sotyna júginip, boryshkerdiń bereshegin ótegenge deıin júrgizýshi kýáligin paıdalanýdy ýaqytsha toqtatý týraly usynys bergen.

Alaıda, boryshker jeke sot oryndaýshysynyń usynysymen kelispegen. Boryshker bereshegin jumysy bolmaýyna baılanysty tóleı almaǵanyn, kóligimen tabys taýyp júrgenin aıtqan.

«Sot uıǵarymymen sot oryndaýshynyń usynysy qanaǵattandyrylyp, boryshker Sh.-nyń júrgizýshi kýáliginiń qoldanysy alıment boıynsha bereshegi tolyq ótelgenge deıin ýaqytsha toqtatyldy. Boryshker sot uıǵarymymen kelispeı, apellıatsııalyq shaǵym keltirdi. Sot alqasynyń qaýlysymen boryshkerdiń bereshegin tóleýge baǵyttalǵan naqty is-áreketterdi jasamaǵany anyqtalyp, sot uıǵarymy ózgerissiz qaldyryldy», -dep habarlady sottyń baspasóz qyzmeti.

Sot uıǵarymy zańdy kúshine endi.

Eske sala ketelik, budan buryn Atyraý oblysynda ákimdiktiń apparat basshysy qyzmetinen bosatylatyn bolǵanyn habarlaǵan edik.


Avtor:
Tilshi

Jańalyqtar

MURAǴAT