Atyraýda alaıaqtyq qylmysy úshin sottalǵan áıeldiń ózge de áreketteri anyqtaldy
2022 jylǵy 5 mamyr 07:28

Atyraýda alaıaqtyq qylmysy úshin sottalǵan áıeldiń ózge de áreketteri anyqtaldy

ATYRAÝ. QazAqparat – Atyraýda alaıaqtyq qylmysy úshin sottalǵan áıeldiń ózge de áreketteri anyqtaldy, dep habarlaıdy QazAqparat.

Oblystyq polıtsııa departamenti baspasóz qyzmetiniń aqparatyna qaraǵanda, alaıaqtyǵy úshin sottalǵan áıeldiń 6 adamnan páter alyp berý syltaýymen 98 mln teńge qarjyny ıemdengeni anyqtalǵan.

«Jábirlenýshilerge keltirilgen shyǵyn kólemi 25 mln 700 myń teńgeni quraıdy. Qazir atalǵan derekke qatysty Qylmystyq kodekstiń 190-babynyń 3-bóligimen sotqa deıingi tergep-tekserý bastaldy. Budan buryn alaıaq áıel 4 jábirlenýshini páter alyp beremin dep aldaǵan. Sóıtip, jábirlenýshilerdiń 98 mln teńgesin qaltasyna basqan. Bul áıeldiń alaqtyq áreketi áshkere bolyp, oǵan qatysty qozǵalǵan qylmystyq is 12 sáýirde sotta qaraldy. Sot úkimimen kináli dep tanylǵan áıel 6 jyl 8 aı merzimge bas bostandyǵynan aıyrylǵan edi», -dep habarlady departamenttiń baspasóz qyzmeti.

Atyraý oblysynyń polıtsııa departamenti turǵyndardy alaıaqtardyń arbaýyna túsýden saqtanýǵa shaqyryp otyr.

Eske sala ketelik, budan buryn 45 mln teńgege 3 páter alyp beremin dep Almaty turǵynyn aldaǵan atyraýlyq áıel ustalǵanyn habarlaǵan bolatynbyz.


Uqsas jańalyqtar

Jańalyqtar

Úrdis

MURAǴAT