Atyraýda 900 myń teńgeniń aktsızdeletin ónimderi zańsyz satylymǵa shyǵarylǵan
2022 jylǵy 29 maýsym 21:01

Atyraýda 900 myń teńgeniń aktsızdeletin ónimderi zańsyz satylymǵa shyǵarylǵan

ATYRAÝ. QazAqparat - Atyraýda 900 myń teńgeniń aktsızdeletin ónimderi zańsyz satylymǵa shyǵarylǵan. Bul týraly Atyraý oblysy boıynsha memlekettik kirister departamenti málim etti, dep habarlaıdy QazAqparat.

Atyraý qalasy boıynsha memlekettik kirister basqarmasy maýsym aıynda aktsızdeletin ónimderdiń zańsyz aınalymyn anyqtaý jáne jolyn kesý boıynsha reıd júrgizdi.

Nátıjesinde 3 jeke tulǵa boıynsha mynadaı zańbuzýshylyqtar anyqtaldy:

- 1520 bótelke alkogol ónimderin zańsyz jolmen satý (quny 418 myń teńge);

- 2000 lıtr dızel otynyn zańsyz jolmen satý (quny 320 myń teńge);

- 260 qorap Bond jáne LM temeki ónimderin zańsyz jolmen satý faktileri (baǵasy 154,6 myń teńge).

Іs materıaldary Atyraý qalasynyń ákimshilik isterge mamandandyrylǵan sotyna joldandy.

Aldaǵy ýaqytta kóleńkeli ekonomıkanyń aldyn alý maqsatynda aktsızdeletin ónimderdiń zańsyz aınalymyn anyqtaý jáne jolyn kesý sharalary jalǵasady.


Foto: belnaviny.by

Seriktester jańalyqtary

Jańalyqtar

Úrdis

MURAǴAT