Atyraýda 52 jastaǵy áıel tuńǵysh sábıin bosandy
2022 jylǵy 24 qańtar 23:18

Atyraýda 52 jastaǵy áıel tuńǵysh sábıin bosandy

ATYRAÝ. QazAqparat – Atyraýda 52 jastaǵy áıel «Ańsaǵan sábı» jobasymen tuńǵysh sábıin bosandy, dep habarlaıdy QazAqparat.

Atyraý oblystyq perınataldyq ortalyqtyń baspasóz qyzmetinen málim etkendeı, júkti áıel sábıin 19 qańtarda dúnıege ákelgen.

«Bul jasta ómirge sábı ákelý ońaı emes. Bizdiń patsıent buǵan deıin kóp jyl emdelse de bala kótere almaǵan. Sodan soń «Ańsaǵan sábı» jobasymen bólingen kvotaǵa sáıkes, EKU arqyly bala kótergen. Oblystyq perınataldyq ortalyqtyń bilikti dárigerleri oǵan 19 qańtarda ota jasaldy. Ómirge salmaǵy 3 keli 70 gram, boıy 51 sm sábı keldi. Bul – onyń tuńǵysh sábıi. Qazir ana men balanyń jaǵdaıy jaqsy», -dep habarlady ortalyqtyń baspasóz qyzmeti.

Eske sala ketelik, buǵan deıin Atyraý oblysynda 84 sábıge «Súıinshi» syıqoraby tabys etilgenin jazǵan bolatynbyz.


Avtor:
Tilshi

Jańalyqtar

MURAǴAT