Atyraýda 51 jyl otasqan jup ajyrasýǵa aryz bergen
2022 jylǵy 11 tamyz 02:45

Atyraýda 51 jyl otasqan jup ajyrasýǵa aryz bergen

ATYRAÝ. QazAqparat – Atyraýda 51 jyl buryn otasqan jup ajyrasýǵa ótinish bergen. Buǵan erli-zaıyptylar mineziniń jaraspaǵany sebep bolǵan, dep habarlaıdy QazAqparat.

Atyraý qalalyq jumyspen qamtý, áleýmettik baǵdarlamalar jáne azamattyq hal aktilerin tirkeý bóliminiń aqparatyna qaraǵanda, bıylǵy jyldyń jeti aıynda 1 731 jup neke qıdyrǵan.

Jańadan otaý tikken otbasynyń biriniń qalyńdyǵy 16 jasta bolǵan.

«Byltyr Atyraý qalasynda 3 558 jup neke qıdyrǵan edi. Alaıda 1 195 jup ajyrasty. Onyń ishinde nekege turǵannan birneshe aıdan keıin ajyrasqan 21 jup bar. Eń qysqa neke 1 aı 22 kúnge sozyldy», -delingen habarlamada.

Shańyraqtyń beriktigin saqtaı almaı, ajyrasýǵa ótinish bergenderdiń arasynda egde jastaǵy jup ta bar.

Máselen, 1970 jyly shańyraq kótergen erli-zaıypty bir-biriniń minezin kótere almaı, osyndaı tosyn qadamǵa barǵan.

«Ádette erli-zaıyptylar ótinishinde ajyrasýdyń basty sebebin ózara kelispeýshilikpen túsindiredi. Bıyl «minezdiń sáıkes kelmeýi» degen syltaýmen ajyrasýǵa 693 jup ótinish berdi. Alaıda, jubaılarǵa tatýlasýyna bir aı merzim beriledi. Osy kezeńde otbasylyq psıholog keńes berip, erli-zaıyptylardyń shańyraǵyn saqtap qalý úshin jumys isteıdi. Psıholog keńesiniń nátıjesinde 44 erli-zaıypty ajyrasý nıetinen bas tartty», -dep málim etti qalalyq bólimniń mamandary.

Eske sala ketelik, budan buryn Tamara Dúısenova elimizde úshinshi, tórtinshi, besinshi balalar kóbirek dúnıege kelip jatqanyn aıtqan edi.


Foto: aldiaargentina.microjuris.com


Uqsas jańalyqtar
Seriktester jańalyqtary

Jańalyqtar

Úrdis

MURAǴAT