Atyraýda 385 mas júrgizýshi jeti jylǵa kólik júrgizý quqyǵynan aıryldy

ATYRAÝ. QazAqparat – Atyraý oblysynda jyl basynan beri mas kúıde rólge otyrǵan 433 júrgizýshiniń 385-i kólik basqarý quqyǵynan aıryldy, dep habarlaıdy QazAqparat.

Uqsas jańalyqtar

SQO-da byltyr 1 myńnan astam júrgizýshi mas kúıde ustaldy

Oblystyq polıtsııa departamenti baspasóz qyzmetiniń málimetinshe, Atyraý qalasy aýmaǵynda alkogoldi ishimdik iship, avtokólik tizgindegen 433 júrgizýshi ustalyp, 385-ine qatysty QR Ákimshilk quqyq buzý kodeksiniń 608-babymen ákimshilik hattama toltyrylǵan.

«Mamandandyrylǵan ákimshilik sottyń sheshimimen bul júrgizýshiler 15-ten 20 táýlikke deıin qamaqqa alynyp, 7 jyl merzimge kólik quralyn basqarý quqyǵynan aıyryldy. Sot qaýlysymen quqyǵynan aıyrylǵan 47 azamatqa qatysty Atyraý qalalyq polıtsııa basqarmasynyń anyqtaý bólimi QR Qylmystyq kodeksiniń 346-baby, 1-bóligimen sotqa deıingi tergeý júrgizip jatyr» dep habarlady departamenttiń baspasóz qyzmeti.

Sondaı-aq, 1-14 qyrkúıek aralyǵynda mas kúıde kólik basqarǵan 30 júrgizýshi ustalǵan.

Olardyń arasynan 24 júrgizýshige QR Ákimshilik quqyq buzý kodeksiniń 608-babymen hattama toltyrylyp, 15 táýlikke qamaqqa alynǵan.

Tekserý kezinde 6 júrgizýshiniń budan buryn kólik basqarý quqyǵynan aıyrylǵany anyqtalyp, olarǵa qatysty QR Qylmystyq kodeksiniń 346-babymen tekserý bastalǵan.