+7 (701) 759 90 19
USD 429.59 EUR 507.3
RUB 5.62 CNY 64.1
Jańalyqtar

Atyraýda 20 kompanııa 809 mamandy jumysqa qabyldaýǵa daıyn

2020 jylǵy 12 maýsym 16:54
Bólisińiz:
Atyraýda 20 kompanııa 809 mamandy jumysqa qabyldaýǵa daıyn

ATYRAÝ. QazAqparat –Atyraý qalasynda 20 kompanııa 800-den astam mamandy jumysqa qabyldaýǵa nıet bildirdi. Bul týraly «Jumyspen qamtýdyń jol kartasy –2020» baǵdarlamasyna qatysty ótken keńeste belgili boldy, dep habarlaıdy QazAqparat.

Uqsas jańalyqtar
«Jumyspen qamtý» jol kartasyna birqatar talap engizý usynyldy - Úkimet otyrysy Birjan Nurymbetov: jumys oryndaryn qurýdyń óńirlik kartalaryn jasaý kerek Qazaqstanda «Eńbek» baǵdarlamasyna jyl basynan beri 500 myńǵa jýyq adam qatysty

Atyraý ákimi Qaırat Orazbaevtyń aıtýynsha, Jol kartasy aıasyndaǵy 25 ınfraqurylymdyq joba sheńberinde 2446 jańa jumys orny ashylady. Jumyspen qamtylatyn árbir ekinshi azamat resmı jumyssyzdar qatarynan bolady.

«Qazir 20 kompanııadan 809 bos jumys ornyna suranys tústi. Soǵan baılanysty ortalyqta 3 ret vakansııalardyń jármeńkesi ótti. Nátıjesinde 244 adam eńbekke ornalasty. Alaıda, keıbir azamattar beriletin jalaqyny mise tutpaı, ystyq tamaqty, qyzmettik kólikterdi talap etip, usynylǵan jumystan bas tartady», - dedi Atyraý qalalyq Jumyspen qamtý ortalyǵynyń dırektory Gúlnár Quspanova.

Al, ákimniń pikirinshe, jumyssyzdyq máselesin sheshýge aldymen, Jumyspen qamtý ortalyǵy múddeli bolýy kerek.

«Atalǵan baǵdarlamadaǵy basty maqsat –jumyssyzdardy eńbekke tartý. Sondyqtan, aldymen, jumyssyz qalǵan azamattarǵa qoldaý bildirgen jón», - dedi Qaırat Orazbaev.

Jol kartasy boıynsha Atyraý qalasyndaǵy №55 balabaqshaǵa kúrdeli jóndeý jumystaryn bastaǵan «KompanııaTehStroı» JShS dırektory Erjan Samalıhov 18 adamdy Jumyspen qamtý ortalyǵynan shaqyrǵan. Bul seriktestikke taǵy 15 jumysshy qajet. Alaıda, keıbir merdigerler bos júrgen azamattarǵa shaqyrý jiberilse de, jumysqa kelmeıtinin alǵa tartty.

«Memlekettik baǵdarlama aıasynda jumyssyzdyq máselesin birlese sheshýimiz qajet. Ózi jumysshy surap, aldyna kelgen adamdy qyzmetke almaı qoıatyn kompanııalar bar. Ondaı kompanııamen jumysty jalǵastyrýdyń qajettiligi bar ma?», - dedi qala basshysy Qaırat Orazbaev.

Eske salaıyq, buǵan deıin Atyraýda halyqty jumyspen qamtý baǵdarlamasy oıdaǵydaı iske aspaı otyrǵanyn habarlaǵan edik.


Bizdiń kanalymyzǵa jazylyńyz:

Bólisińiz:

Avtor:

Bek Mustafa

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT