+7 (701) 759 90 19
USD 414.13 EUR 451.40
RUB 5.80 CNY 58.03
Jańalyqtar

Atyraýda 100-ge jýyq adam áskerı jıynǵa qatysýǵa ótinish bildirdi

2020 jylǵy 7 sáýir 16:22
Bólisińiz:
Atyraýda 100-ge jýyq adam áskerı jıynǵa qatysýǵa ótinish bildirdi

ATYRAÝ. QazAqparat –Atyraý oblysynda 98 adam áskerı jıynǵa qatysýǵa tilek bildirdi, dep habarlaıdy QazAqparat.

Atyraý oblystyq Qorǵanys isteri jónindegi departamenti baspasóz qyzmetiniń málimetinshe, áskerı jıynǵa shaqyrylýshylar arasynda medıtsına qyzmetkerlerine, radıatsııalyq, hımııalyq, bıologııalyq qorǵanys mamandary men atqyshtarǵa basymdyq berilgeli otyr. Olar qatardaǵy jaýynger nemese merzimdi áskerı qyzmetten serjant, kishi serjant shenin alyp oralǵan azamattar bolýy tıis. Al, medıtsına qyzmetkerleri jas shamasyna qaramastan shaqyrylady.

«Áskerı mindettilerdi arnaýly jıyndarǵa shaqyrý 10 sáýir men 10 mamyr aralyǵynda júrgiziledi. 9 sáýirde tústen keıin nıet bildirgen áskerı mindettiler medıtsınalyq tekserýden ótedi. Al, 10 sáýirden bastap arnaýly kıimdermen qamtamasyz etilip, jataqhanaǵa ornalastyrylady. Eger jastar tótenshe jaǵdaı jarııalanǵanǵa deıin jumysta bolsa, eńbekaqysy burynǵysha tólenedi. Al, jumyssyz júrgenderge eń tómengi jalaqy mólsheri, ıaǵnı 42500 teńge beriledi. Olar tamaqpen, arnaýly kıimdermen tolyqtaı qamtamasyz etiledi» - deıdi oblystyq Qorǵanys isteri jónindegi departamenttiń baspasóz hatshysy Ýrbaıza Abıtova.

Oblystyq Qorǵanys isteri jónindegi departamentine arnaıy jıynǵa qatysý úshin erikti túrde ótinim bildirgenderdiń biri –tájik-aýǵan urys is-qımyldaryna qatysqan Qabır Ahmetqalıev. Ol osy kezge deıin alǵashqy áskerı daıyndyq pániniń uıymdastyrýshy-oqytýshysy bolyp eńbek etken.

«Jergilikti áskerı organǵa tótenshe jaǵdaı rejımindegi is-sharalardy atqarýǵa atsalysý úshin erikti túrde keldim. Qazirgideı qıyn kezde qol qýsyryp otyra almadym. Óıtkeni, eki aptadan beri qazaqstandyq áskerı qyzmetshilerdiń dezınfektsııalaý jumysyn belsendi atqarǵanyn kórdim. Bizdiń patrıottyǵymyz, birligimiz osyndaı kezde kórinýi tıis. Sondyqtan, barsha áskerı mindettilerdi judyryqtaı jumylýǵa shaqyramyn» - deıdi Qabır Ahmetqalıev.

Sondaı-aq, ol áskerı jıynǵa qatysýdy azamattyq boryshy sanaıtynyn aıtty.

«Azamattyq boryshty qalaı túsinip júrmiz? Bul –tek áskerı qyzmetkerler ǵana atqaratyn áskerı qyzmet emes, tótenshe jaǵdaı kezinde barshaǵa júkteletin mindet. Sol sebepten, eldiń amandyǵyn oılaıtyn, Otanymyzdyń keleshegine senetin barsha azamat áskerı jıynǵa qatysýdan bas tartpaǵany jón» -deıdi ol.


Bizdiń kanalymyzǵa jazylyńyz:

Basty sózder: Atyraý oblysy, Qoǵam, Ásker,
Bólisińiz:

Avtor:

Bek Mustafa

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT