Atyraý oblysynyń syrtqy saýda aınalymy 10 mlrd AQSh dollarynan asty
2022 jylǵy 22 maýsym 22:45

Atyraý oblysynyń syrtqy saýda aınalymy 10 mlrd AQSh dollarynan asty

ATYRAÝ. QazAaqparat – Bıylǵy tórt aıda Atyraý oblysynyń syrtqy saýda aınalymy 10 mlrd AQSh dollarynan asty, dep habarlaıdy QazAqparat.

Oblystyq ındýstrııalyq-ınnovatsııalyq damý basqarmasy basshysynyń mindetin atqarýshy Qarlyǵash Bekbaevanyń málimetinshe, Atyraýda shetel kapıtaly salynǵan 1 655 kásiporyn jumys isteıdi.
«Elimiz táýelsizdik alǵannan bergi kezeńde Atyraý oblysy álemniń 195 elimen ekonomıkalyq, iskerlik baılanys ornatty. Kedendik statıstıka málimetterine sáıkes, osy jyldyń qańtar-sáýir aılary aralyǵynda Atyraý oblysynyń syrtqy saýda aınalymy 10 mlrd 863 mln AQSh dollaryn qurady. Bul kórsetkish ótken jyldyń tıisti kezeńimen salystyrǵanda 85%-ǵa artty. Onyń ishinde eksport 10 mlrd 500 mln AQSh dollaryn qurap otyr», - deıdi Qarlyǵash Bekbaeva.
Onyń aıtýynsha, Atyraý oblysynan eksporttalatyn taýarlar qatarynda munaı jáne munaı ónimderi, kúkirttiń barlyq túri, munaı gazdary, muzdatylǵan balyq jáne basqa da taýarlar bar. Al, jemister men kókónister, plastmassadan jasalǵan buıymdar, sanıtarlyq-tehnıkalyq ónimder, kıim-keshek jáne ózge de zattar ımporttalady.


Seriktester jańalyqtary

Jańalyqtar

Úrdis

MURAǴAT