Atyraý oblysynyń Qyzylqoǵa aýdanynda tótenshe jaǵdaı jarııalandy
2022 jylǵy 15 sáýir 10:32

Atyraý oblysynyń Qyzylqoǵa aýdanynda tótenshe jaǵdaı jarııalandy

ATYRAÝ. QazAqparat – Atyraý oblysynyń Qyzylqoǵa aýdanynda tótenshe jaǵdaı jarııalandy, dep habarlaıdy QazAqparat.

Oblystyq tótenshe jaǵdaılar departamenti baspasóz qyzmetiniń málimetinshe, buǵan Oıyl ózeninde sý deńgeıiniń kóterilgeni sebep bolǵan. Budan buryn Oıyl sýynyń kóterilýine baılanysty bóget salynǵanyn jazǵan bolatynbyz. Keıin aýyldy sý tasqynynan qorǵaý úshin kólik joly jyryldy.

«Aýdandyq tótenshe jaǵdaılar jónindegi komıssııanyń jospardan tys otyrysy ótip, Oıyl ózeniniń arnasynan tasýyna baılanysty Qyzylqoǵa aýdanynda tótenshe jaǵdaı jarııalandy. Tótenshe jaǵdaılardyń aldyn alý maqsatynda 8(71238)2-17-84, 101, +7 7771935380 Call-ortalyqqa qońyraý shalýǵa bolady», -dep málim etti departamenttiń baspasóz qyzmeti.

Qazir aýdan ortalyǵy Mııalydan Jangeldın aýylyna qatynaıtyn jol jabyldy. Qaýip seıilgennen keıin jol qalpyna keltiriledi. Aýdan ortalyǵyn sý tasqynynan qorǵaý maqsatynda 300 tonna topyraq, qum toltyrylǵan 500-den astam qap qoıylǵan.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT