Atyraý oblysynyń burynǵy ákimi Mahambet Dosmuhambetov jańa qyzmetke taǵaıyndaldy
ASTANA. QazAqparat – Atyraý oblysynyń burynǵy ákimi Mahambet Dosmuhambetov «QazMunaıGaz» AQ-nyń enshiles kompanııasy «QMG Injınırıng» JShS-niń bas dırektorynyń orynbasary bolyp taǵaıyndaldy, dep habarlaıdy QazAqparat kompanııaǵa silteme jasap.
«2023 jylǵy 1 aqpannan bastap Mahambet Dosmuhambetov bas dırektordyń óndiris máseleleri boıynsha orynbasary laýazymyna taǵaıyndaldy», - delingen kompanııa habarlamasynda.
Mahambet Joldasqalıuly 1960 jyly 25 jeltoqsanda Atyraý oblysynda týǵan.
1983 jyly I.M. Gýbkın atyndaǵy Máskeý munaı-hımııa jáne gaz ónerkásibi ınstıtýtyn «Geologııa jáne munaı-gaz ken oryndaryn barlaý» mamandyǵy boıynsha bitirgen.
2016 jyly Qazaq memlekettik zań ýnıversıteti, iskerlik ákimshilik magıstri bolǵan.
Eńbek qyzmetin 1983 jyly «Embimunaı» birlestiginiń Balyqshy barlaý burǵylaý basqarmasynyń geology retinde bastaǵan.
Túrli jyldary «Mańǵystaýmunaıgaz» AQ-da bas geolog, geologııa jáne geofızıka boıynsha bas dırektordyń orynbasary, geologııa jáne óńdeý boıynsha bas dırektordyń orynbasary, bas dırektordyń birinshi orynbasary – basqarma múshesi bolǵan.
Sońǵy jyldary «Embimunaıgaz» AQ bas dırektory (basqarma tóraǵasy), «QazMunaıGaz» UK AQ geologııa boıynsha basqarýshy dırektory – bas geolog, iri jobalar boıynsha basqarma tóraǵasynyń orynbasary jáne iri operatsııalyq emes aktıvter jáne teńiz jobalary boıynsha bas vıtse-prezıdenti laýazymdaryn atqarǵan.
2016-2019 jyldary Qazaqstan Respýblıkasy Energetıka mınıstriniń birinshi orynbasary qyzmetin atqardy.
2019 jyldyń jeltoqsan aıynan bastap 2022 jyldyń sáýir aıyna deıin Atyraý oblysynyń ákimi qyzmetin atqardy.
Jańalyqtar
