+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Atyraý oblysynyń ákimi turǵyndarǵa úndeý jasady

2021 jylǵy 1 tamyz 02:18
Bólisińiz:
Atyraý oblysynyń ákimi turǵyndarǵa úndeý jasady

ATYRAÝ. QazAqparat – Atyraý oblysynyń ákimi Mahambet Dosmuhambetov óńirdegi epıdemııalyq ahýaldyń kúrdelenýine baılanysty turǵyndarǵa úndeý jasady, dep habarlaıdy QazAqparat.

Uqsas jańalyqtar
Almatyda áleýmettik beıimdeý ortalyǵy ashyldy Nur-Sultannyń monıtorıngtik toptary karantın talabyn buzǵan 9 mekemeni anyqtady 17 qyrkúıekte Qazaqstanda ótetin mańyzdy oqıǵalarǵa sholý

Ákimniń málimetinshe, óńirdegi epıdemııalyq ahýal kúrdelengen. Sońǵy 4 kúnde qaýipti vırýstan 24 adam qaıtys bolǵan.

«Epıdemııalyq jaǵdaıy kúrt nasharlaǵan qalalar qatarynda Atyraý da bar. «Ashyq» jobasyna qatyspaıtyn barlyq kásiporyn men uıymnyń qyzmeti ýaqytsha toqtatylady. Oıyn-saýyq, sporttyq, otbasylyq, sadaqa jáne ózge de buqaralyq is-sharalarǵa tyıym salynady. Eger jaǵdaı ýshyqsa, qazirgiden de qatań sheshimder qabyldaýǵa týra keledi» -deıdi Mahambet Dosmuhambetov.

Onyń aıtýynsha, óńirde asa qaýipti «Delta» shtamynyń taralýy men karantındik talaptardyń saqtalmaýynan koronavırýs pen pnevmonııaǵa shaldyqqandar sany kúrt ósken. Máselen, byltyr osy ýaqytta orta eseppen 5 830 jaǵdaı tirkelse, bıyl 7 767-ge jetip otyr. Kún saıyn koronavırýs ınfektsııasyn juqtyrǵan 400-den astam naýqas anyqtalýda. Qazir 1,5 myńdaı adam ınfektsııalyq statsıonarlarda oqshaýlanǵan. Onyń ishinde 102 júkti áıel, jas bosanǵan 4 ana men 18 jasqa deıingi 13 bala bar. Ambýlatorııalyq em qabyldap jatqandar sany 4 myńǵa jýyqtaǵan. Jansaqtaý bóliminde 80 adam aýyr halde jatyr. Onyń ishinde 10 patsıent ókpeni jasandy jeldetý apparatyna qosylǵan.

«Qaıtys bolǵandarǵa, aýrýhanada jatqan jandarǵa bárimizdiń salǵyrttyǵymyz sebep bolýy múmkin. Toı men sadaqany toqtatpaý, sanıtarlyq talaptarǵa qatysty qarapaıym qaǵıdalardy oryndamaýdyń sońy úlken ókinishke ulasýda. Olaı deıtinim, naýqastardyń basym kóbiniń qaýipti ınfektsııany toı-tomalaq, sadaqa, adam kóp júretin qoǵamdyq oryndar men restoran-kafelerden juqtyrǵany anyqtaldy. Búgin sadaqa, toı ótkizgen otbasynda kelesi aptada janaza shyǵarylýy ábden múmkin.

Qazir aýrýhanalar men emhanalarda da bos oryn qalmaı barady. Keıbir aýrýhanalardy ınfektsııalyq statsıonarǵa aınaldyryp jatyrmyz. Biraq, munyń barlyǵy turǵyndardy josparly emdeýge kesirin tıgizedi. Medıtsınalyq qyzmetkerlerdiń júktemesi artyp, aýyr salmaq túsýde» -dedi oblys ákimi.

Mahambet Dosmuhambetov óńirde koronovırýstyń jeńil túrin juqtyrǵandarǵa jataqhanalardan qosymsha ınfektsııalyq oryndar daıyndalǵanyna toqtaldy.

«Bizge árbir turǵynnyń ómiri men qaýipsizdigi qymbat. Bireýdiń jaýapsyzdyǵy úshin ekinshi bir adamnyń ómirine qaýip tónbeýi kerek. Koronavırýs ınfektsııasynan qutylatyn jalǵyz jol – vaktsına saldyrý. Ártúrli qaýeset taratýshylardyń eshqaısysy sizdiń densaýlyǵyńyzǵa kepil bola almaıdy. Byltyrǵy jaǵdaıdan sabaq aldyq, tájirıbe jınadyq. Eń bastysy – saqtyq pen tártip kerek» -dep túıindedi atyraýlyqtarǵa arnaǵan úndeýin Mahambet Dosmuhambetov.

Eske sala ketelik, budan buryn Atyraýdaǵy ınfektsııalyq statsıonarda 102 júkti áıel emdelip jatqanyn habarlaǵan bolatynbyz.



Bizdiń kanalymyzǵa jazylyńyz:

Bólisińiz:

Avtor:

Bek Mustafa

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Úmbet Sholpan
Úmbet Sholpan
954-059
REDAKTOR
Janat Qapalbaeva
Janat Qapalbaeva
954-059

MURAǴAT