+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Atyraý oblysynyń ákimi Inder aýdanynda jumys oryndaryn ashýdy tapsyrdy

2020 jylǵy 10 tamyz 18:39
Bólisińiz:
Atyraý oblysynyń ákimi Inder aýdanynda jumys oryndaryn ashýdy tapsyrdy

ATYRAÝ. QazAqparat –Atyraý oblysynyń ákimi Mahambet Dosmuhambetov Inder aýdanynda aýyl sharýashylyǵy, turǵyn úı qurylysy jáne eldi mekenderdi asfalttaý jumystarynyń barysymen tanysty, dep habarlaıdy QazAqparat Óńirlik kommýnıkatsııalar qyzmetine silteme jasap.

Uqsas jańalyqtar
«Eńbek» baǵdarlamasynyń júzege asyrylýyna kim jaýapty

Qazir aýdandaǵy Kóktoǵaı, Eltaı, Qyzyljar, Aqtan eldi mekenderinde aýylishilik avtokólik joldary men jaıaý júrginshiler joldaryn asfalttaý jumystary qarqyndy júrgizilýde. Kóktoǵaı aýylyndaǵy joldardy jóndeý jumystary bıylǵy mamyrda bastalǵan. Munda 12,9 shaqyrym jol tóseledi. Jóndeý jumystary 2021 jyldyń aqpan aıynda aıaqtalady dep josparlanýda. Al, júrgizilgen jumystar 276 adamdy qyzmetke ornalastyrýǵa múmkindik bergen. Olardyń 138-i Jumyspen qamtý ortalyǵy arqyly kelgen.

Oblys basshysy Inder aýdanynyń ákimi Meıirim Kalaýıǵa júrgizilip jatqan jumystardyń sapasyn qadaǵalaýdy jáne barynsha jergilikti kadrlardy tartýdy tapsyrdy.

«Bul jumystar «Jumyspen qamtýdyń jol kartasy» memlekettik baǵdarlamasyna sáıkes júzege asyrylýda. Sondyqtan, jergilikti kadrlardy jumyldyrý qajet. Qazir Teńiz kenishindegi keıbir asa mańyzdy emes jumystardyń ýaqytsha toqtatylýyna baılanysty biraz adam aýdandarǵa qaıtyp oraldy. Mine, sol azamattardyń tájirıbesin de paıdalaný qajet. Osylaısha, halyqty jańa jumys oryndarymen qamtamasyz etý máselelerin sheship otyramyz», - dedi Mahambet Dosmuhambetov.

Eltaı eldi mekeninde de osyndaı jumystar iske asyrylýda. Mundaǵy jol jóndeý jumystaryna 382 adam tartylǵan. Onyń ishinde 194-i Jumyspen qamtý ortalyǵy arqyly ornalasqan azamattar.

Inder aýdanynyń ákimi Meıirim Qalaýıdiń aıtýynsha, shalǵaı ornalasqan Qyzyljar men Aqtan eldi mekenderine jol salý aýdan ortalyǵymen qatynas máselesin sheshýge ásirese, oqýshylardy oqý oryndaryna tasymaldaýǵa, shuǵyl qyzmet kólikteriniń kelýine múmkindik beredi. Úsh shaqyrymdyq avtokólik jolyn tóseý jumystary aldaǵy qyrkúıekte aıaqtalýy tıis. Al, Aqqala aýylynyń feldsherlik-akýsherlik pýnktiniń jańa ǵımaraty paıdalanýǵa berilgen. Aýyl turǵyndary qajetti barlyq medıtsınalyq kómekti alady.

Sondaı-aq, jaqynda aýdan ortalyǵynda aýyl sharýashylyǵy kolledji jataqhanasynyń jańa ǵımaraty paıdalanýǵa berilmek. Nysannyń qurylysy tolyǵymen aıaqtalǵan. Qazir ashanaǵa qajetti qurylǵylar, jıhaz jáne basqa da qajettilikter úshin ishki jabdyqtar ornatylýda. 100 oryndyq jataqhanada stýdentter ǵana emes, kolledj oqytýshylary da ornalasady Aýdanda 4 úıdiń qurylys jumystary júrgizilýde. Turǵyn úılerdi tapsyrý 2021 jylǵa josparlanǵan.

«Slava» sharýa qojalyǵynyń fermerleri 75 gektar jerge kókónis pen baqsha daqyldaryn otyrǵyzyp, jergilikti halyq pen oblys turǵyndaryn óz ónimderimen qamtamasyz etýde.

Aımaq basshysy Mahambet Dosmuhambetov aýdan basshylaryna jańa jobalardy júzege asyrý jumystaryn jandandyrýdy, sondaı-aq týrızm salasyndaǵy jobalardy iske asyrýǵa qajetti jaǵdaı jasap, ónerkásip ónimderiniń kólemin ulǵaıtý men shaǵyn jáne orta bıznesti damytý máselelerin sheshýdi tapsyrdy.


Bizdiń kanalymyzǵa jazylyńyz:

Bólisińiz:

Avtor:

Bek Mustafa

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT