+7 (701) 759 90 19
USD 412.55 EUR 454.18
RUB 5.81 CNY 57.66
Jańalyqtar

Atyraý oblysynyń ákimi áleýmettik jelidegi suraqtarǵa jaýap bermeıtin organdardy synady

2020 jylǵy 4 naýryz 21:15
Bólisińiz:
Atyraý oblysynyń ákimi áleýmettik jelidegi suraqtarǵa jaýap bermeıtin organdardy synady

ATYRAÝ. QazAqparat - Atyraý oblysynyń ákimi Mahambet Dosmuhambetov memlekettik organ ókilderine áleýmettik jelimen jumysty jandandyrýdy tapsyrdy, dep habarlaıdy QazAqparat.

Bul týraly óńir basshysy óziniń Facebook-tegi paraqshasynda jazdy.

Ákimniń aıtýynsha, Telegram-daǵy «Atyraý oblysynyń ákimdigi» chat-kanalynda 16 myńdaı adam bar. Naqtyraq aıtqanda jelide 7 aýdannyń chaty jumys istep tur, árqaısysynda shamamen 2-3 myń arasynda adam belsendilik tanytyp otyrady.

Kúndelikti kelip túsetin suraqtardyń 90 paıyzdan astamy azamattardyń turmys-tirshiligine qatysty. Atap aıtqanda, turǵyn-úı kommýnaldyq sharýashylyǵy, densaýlyq saqtaý, jer men úı kezegi, bilim berýge qatysty, quqyqbuzýshylyq jáne t.b. máseleler bar.

«Qazirgi tańda meniń Facebook jáne Instagram áleýmettik jelilerinde jeke paraqsham bar. Telegram-dy da bir ýaqyt ózim jeke qarap, baqylap otyramyn. Áleýmettik jeli óte mańyzdy. Sondyqtan basqarma basshylary turǵyndardyń árbir suraǵyna jedel jaýap berýleri kerek. Áleýmettik jelige ár basqarmadan bir-bir jaýapty adam qoıǵan durys. Facebook-te jeke paraqshasy joq basqarma basshylary men aýdan ákimderi jedel ashqany abzal. Halyqpen tikeleı baılanys ornatý óte mańyzdy. Jalpy áleýmettik jelidegi jumystardy jandandyrý qajet. Bul oraıda, oblys ákiminiń baspasóz hatshysymen jáne Óńirlik kommýnıkatsııalar qyzmetimen (ÓKQ) tyǵyz baılanysta jumys isteýdi tapsyramyn,- dedi oblys ákimi Mahambet Dosmuhambetov.

Sonymen qatar, aımaq basshysy áleýmettik jelilerde belsendilik tanytyp, turǵyndardyń suraǵyna der kezinde jaýap beretin birqatar basqarma basshylaryn atap ótti. Olardyń qatarynda jumyspen qamtýdy úılestirý jáne áleýmettik baǵdarlamalar basqarmasy men densaýlyq jáne bilim basqarmalary bar.

Mahambet Dosmuhambetov polıtsııa departamenti keıbir suraqtarǵa aptalap jaýap bermeıtinin de atap ótti.

«Máselen, turǵyndar quqyqbuzýshylyqqa, jol erejesin buzýǵa jáne ruqsat etilmegen jerge kólik qoıýǵa qatysty vıdeo jáne sýretter jiberip otyr. Alaıda olardy tıisti departament der kezinde anyqtaı almaı jatady», - deıdi aımaq basshysy.

Óńir basshysynyń aıtýynsha, jelidegi saýaldarǵa aılap jaýap bermeıtinder qatarynda «RTsKÝ-Atyraý» JShS (gazǵa qatysty), «KTJ» AQ Atyraý fılıaly, «Qazaqtelekom» AQ, «Qazposhta» AQ bar.


Bizdiń kanalymyzǵa jazylyńyz:

Basty sózder: Atyraý oblysy, Ákim, Qoǵam,
Bólisińiz:

Avtor:

Aıdar Ospanalıev

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT