Atyraý oblysynda jol apatynan júrgizýshi men eki jolaýshy mert boldy
2022 jylǵy 26 mamyr 00:23

Atyraý oblysynda jol apatynan júrgizýshi men eki jolaýshy mert boldy

ATYRAÝ. QazAqparat – Atyraý oblysynda jol apatynan júrgizýshi men eki jolaýshy mert boldy, dep habarlaıdy QazAqparat.

Jol-kólik oqıǵasy 25 mamyrda saǵat 18:00 shamasynda bolǵan.

«Armenııa Respýblıkasynda tirkelgen «Toyota Ipsum» avtokóligin 37 jastaǵy júrgizýshi basqarǵany anyqtaldy. Júrgizýshi kólikti basqarý júıesin ıgere almaı, «Aqtóbe-Atyraý-Reseı Federatsııasynyń shekarasy» baǵytyndaǵy kúre joldyń 490-shaqyrymynda aýdarylǵan. Jol-kólik apatynyń saldarynan 1985 jylǵy júrgizýshi men 47 jáne 54 jastaǵy jolaýshy oqıǵa orynda mert boldy», -dep habarlady departamenttiń baspasóz qyzmeti.

Qazir úsh adamnyń ólimine soqtyrǵan jol-kólik apatynyń sebebi anyqtalyp jatyr. Polıtsııa qyzmetkerleri tergeý amaldaryn bastady.

«Aqtóbe-Atyraý-Reseı Federatsııasynyń shekarasy» baǵytyndaǵy jolda 2020 jyldan beri kúrdeli jóndeý júrgizilip jatyr. Bul joldy qaıta jańǵyrtý jobasy 6 bólikke bólingen. Onyń 833-853 shaqyrymdyq ýchaskesi 2020 jyly paıdalanýǵa berilgen. «Aqtóbe-Atyraý-RF shekarasy (Astrahan)» dálizi boıynsha barlyq jumysty 2023 jyly aıaqtaý josparlanyp otyr.

«Jol aktıvteri sapasy ulttyq ortalyǵy» RMK Atyraý oblystyq fılıalynyń ınjeneri Qýanysh Shortabaevtyń málimetinshe, atalǵan joldyń 100 shaqyrymnan astam bóligine tekserý júrgizilgen. Joldyń keıbir bóligine qara qıyrshyq tas tóseý kózdeldi. Joldyń keıbir bólikterinde topyraq tóselip jatyr. Tekseris kezinde aıtarlyqtaı kemshilik anyqtalmaǵan. Biraq, aınalma joldarǵa shań kóterilmes úshin ýaqytyly sý shashylmaǵanyna baılanysty eskertý berilgen.

Eske sala ketelik, buǵan deıin Atyraý oblysynda úsh aıda jol apatynan 25 adam mert bolǵanyn jazǵan edik.


Uqsas jańalyqtar
Avtor:
Tilshi

Jańalyqtar

MURAǴAT