Atyraý oblysynda jastar saıasaty máselelerine 224 mln teńge bólindi
2022 jylǵy 1 naýryz 20:15

Atyraý oblysynda jastar saıasaty máselelerine 224 mln teńge bólindi

ATYRAÝ. QazAqparat – Atyraý oblysynda jastar saıasaty máselelerine bıýdjetten 224 mln teńge bólingen, dep habarlaıdy QazAqparat.

Oblys ákimi Mahambet Dosmuhambetovtiń tóraǵalyǵymen ótken selektorlyq jıynda jastar saıasaty men dinı ahýalǵa qatysty ózekti máseleler talqylandy. Jıynǵa tıisti basqarma basshylary men onlaın rejımde aýdandardaǵy jaýapty mamandar qatysty.

Oblystyq Іshki saıasat basqarmasynyń basshysy Qanat Ázmuhanovtyń aıtýynsha, óńir turǵyndarynyń 133 myńnan astamyn jastar qurap otyr. Onyń ishinde 74 myńy ekonomıkalyq belsendi sanatqa jatady.

«Bıyl jastar saıasaty máselelerine jergilikti bıýdjetten 224 mln teńgeden astam qarjy qarastyrylyp otyr. Atyraý qalalyq, aýdandyq Jastar resýrstyq ortalyqtary arqyly jastarǵa erikti negizde qoǵam ómirine qatysý, quzyretin damytý, bastamalaryn qoldaý iske asyrylyp jatyr. Qazir Jylyoı, Mahambet, Maqat aýdandarynda NEET sanatyndaǵy jastarmen jumys jónindegi qosymsha bir shtat bólindi», -deıdi ol.

Al oblystyq Din isteri basqarmasynyń basshysy Qaırolla Kóshqalıevtiń málimetine súıensek, óńirde 51 dinı birlestik pen fılıal tirkelgen. Onyń ishinde 37 ıslamdyq, 3 pravoslavıelik, 3 katolıktik, 1 krıshnaızm jáne 7 protestanttyq birlestik bar.

«Qazir Abý Hanıfa mazhabyn ustanýshylar da qyzdardyń mektepke oramal taǵyp kelýin kótere bastady. Keıbir ata-analar óz ul-qyzdaryn «oramalǵa» ruqsat etetin sheteldik bilim berý oryndaryna aýystyryp jatqany baıqalady. Osyǵan baılanysty Bilim berý basqarmasy mundaı oqýshylardy baqylaýǵa alyp, elge qaıtarý joldaryn qarastyrýy qajet. Oblystyq Din isteri basqarmasyna taǵy bir qosymsha bólim ashyp, 3 qyzmetkermen tolyqtyrý kerek», -d ep málim etti Qaırolla Kóshqalıev.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT