Atyraý oblysynda suıytylǵan gazdyń 1 lıtri 50 teńgeden satylady
2022 jylǵy 13 tamyz 16:36

Atyraý oblysynda suıytylǵan gazdyń 1 lıtri 50 teńgeden satylady

ATYRAÝ. QazAqparat – Atyraý oblysynda suıytylǵan gazdyń shekti bólshek saýdadaǵy baǵasy 1 lıtri úshin 50 teńgeni quraıdy. Bul týraly Energetıka mınıstri Bolat Aqsholaqov málim etti, dep habarlaıdy QazAqparat.

Mınıstrdiń aıtýynsha, Atyraý oblysynda 95-ke jýyq avtomobılge gaz quıý stantsııasy bar. Al, 29 mekeme suıytylǵan gazdy satýdy júzege asyrady. Byltyr óńirde suıytylǵan munaı gazyn tutyný shamamen 50 myń tonnany qurady. Bıylǵy 7 aıda shamamen 36 myń tonna tutynyldy, -dep málim etti Bolat Aqsholaqov.

Energetıka mınıstrligi «Básekelestikti qorǵaý jáne damytý agenttigi suıytylǵan gazdyń baǵasyn memlekettik retteýdi saqtap qaldy. Bıylǵy jyldyń sońyna deıingi merzimde suıytylǵan gazdyń shekti bólshek saýda baǵalary bekitildi. Soǵan sáıkes Atyraý oblysyndaǵy suıytylǵan gazdyń shekti bólshek saýdadaǵy baǵasy 1 lıtr úshin 50 teńgeni quraıdy», -dedi Energetıka mınıstri.

Onyń aıtýynsha, Energetıka mınıstrligi uzaq merzimdi baǵa turaqtylyǵyn qamtamasyz etý úshin sharalar qabyldap jatyr. Máselen, óndirýshi zaýyttardyń shyǵyndaryn ishinara óteý maqsatynda shekti kóterme baǵany tonnasyna 33 600 teńge (19,7 teńge/lıtr) deńgeıinde bekitý týraly buıryq qabyldaǵan.

«Baǵanyń alypsatarlyqpen ósýine jol bermeı, suıytylǵan munaı gazyn oblystarǵa bólýdi reınjınırıngteý máselesi qaralyp otyr. Osyndaı sharalardyń biri – óndirýshilerdiń belgilengen bólshek saýda baǵalaryn negizge alyp, suıytylǵan munaı gazyna shekti kóterme baǵalardy aıqyndaý jónindegi qaǵıdalardy ázirleý. Bul naryqqa qatysýshylar arasynda kiristerdi ádil bólýdi qamtamasyz etip, zaýyttardy suıytylǵan munaı gazyn óndirýge yntalandyrýǵa múmkindik beredi», -deıdi Bolat Aqsholaqov.

Eske sala ketelik, Energetıka mınıstri Ázerbaıjan arqyly munaı tasymaldaý jospary joq ekenin https://www.inform.kz/qz/azerbayzhan-arkyly-munay-tasymaldau-zhospary-zhok-energetika-ministri_a3966287 málim etkenin jazǵan edik.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT