+7 (701) 759 90 19
USD 420.79 EUR 511.98
RUB 5.67 CNY 64.46
Jańalyqtar

Atyraý oblysynda on eki jańa jedel járdem kóligi paıdalanýǵa berildi

2020 jylǵy 31 qazan 22:19
Bólisińiz:
Atyraý oblysynda on eki jańa jedel járdem kóligi paıdalanýǵa berildi

NUR-SULTAN. QazAqparat - Atyraýda emdeý mekemelerine 12 «Ýaz» markaly jedel járdem kóligi tabys etildi. Avtokólikterdi saltanatty jaǵdaıda tabystaý rásimine oblys ákimi Mahambet Dosmuhambetov qatysty, dep habarlaıdy Atyraý oblystyq kommýnıkatsııalar qyzmeti.

Saltanatty rásimde sóz alǵan aımaq basshysy Mahambet Dosmuhambetov oblys turǵyndarynyń densaýlyǵy men qaýipsizdigi árqashan basty nazarda ekenine toqtaldy.

«Bolýy múmkin pandemııanyń ekinshi tolqynyna oblys kóleminde jan-jaqty daıyndyq jasadyq. Medıtsına salasyn qajetti kóliktermen qamtamasyz etýde Úkimettiń úlken qoldaý jasaǵanyn aıryqsha atap ótkim keledi. Mysaly, oblysymyzǵa osy aıdyń basynda 22 sý jańa jedel járdem kóligi keldi. Jyl sońyna deıin taǵy on segizi ákelinedi dep josparlanýda.

Sonymen qatar, Inder, Isataı, Qyzylqoǵa, Maqat jáne Mahambet aýdanyna jyljymaly dıagnostıkalyq medıtsınalyq zerthana kesheni berildi. Qazirgi kezde jeti aýdanymyzda da mobıldi dıagnostıkalyq medıtsınalyq keshen bar. Onyń árqaısysynda dárigerler kúnine 150 adam qabyldap, alpystan astam aýrýǵa dıagnoz qoıa alady. Sondaı-aq jýyrda taǵy bir jyljymaly zerthana oblystyq obaǵa qarsy kúres stantsııasyna berilgen bolatyn.

Bankterdiń biriniń demeýshiligimen naýryz aıynda 8 medıtsına kóligi emhanalarǵa tabys etilgenin bilesizder. Osylaısha bıyl oblystyq medıtsına salasynyń kólik parki erekshe jańaryp, tolyqty. Búgin mine «Kaspıı qubyr konsortsıýmy» da ıgi dástúrdi jalǵastyrdy. 12 «Ýaz» markaly jedel járdem kóligin demeýshilik jasap, alyp berip otyr. Kompanııa ókilderine, óńirimizdiń áleýmettik jaǵdaıyn jaqsartýǵa qosyp jatqan úlesteri úshin rızashylyǵymdy bildiremin, - dedi oblys ákimi M.Dosmuhambetov.

«Kaspıı qubyr konsortsıýmy» AQ bas dırektorynyń orynbasary Qaıyrgeldi Qabyldın óz kezeginde kompanııanyń áleýmettik jobalary aıasynda jasalyp jatqan jumystaryna toqtaldy.

«Kaspıı qubyr konsortsıýmy» AQ-nyń áleýmettik baǵdarlamasy negizinde jyl saıyn 3 mıllıon dollar qarajat bólinip keledi. Baǵdarlama negizinde balabaqsha, mektep, aýrýhanalar, demalys oryndary, sport alańdary boı kóterýde. Pandemııa jaǵdaıynda óńirdegi ahýaldy turaqty ustap, indettiń aldyn alý maqsatynda oblysqa jedel-járdem kóligin tapsyryp otyrmyz. Dárigerler jumysy jedel júrýine úlken kómek bolady degen senimdemiz. Jyl aıaǵyna deıin kompıýterlik tomografııa tabystýdy josparlap otyrmyz», - dedi.

Aıta keteıik, 12 sý jańa medıtsınalyq kólikter Qurmanǵazy, Isataı, Qyzylqoǵa, Maqat jáne Mahambet aýdandaryna berilip, el ıgiligine qyzmet etetin bolady.


Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT