+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

Atyraý oblysynda oqýshylar mektepte maska tigýdi úırenip júr

2020 jylǵy 18 qyrkúıek 20:56
Bólisińiz:
Atyraý oblysynda oqýshylar mektepte maska tigýdi úırenip júr

ATYRAÝ. QazAqparat –Atyraý oblysyndaǵy Qyzylúı negizgi mektebiniń oqýshylary kórkem eńbek sabaǵynda maska tigýdi úırenýde, dep habarlaıdy QazAqparat.

Uqsas jańalyqtar
Atyraýda keı mektepterde sanıtarlyq talaptar saqtalmaǵan

Qyzylúı mektebi Isataı aýdanynyń ortalyǵynan 35 shaqyrym qashyqta ornalasqan. Mektep dırektory Qabyl Ǵubashevtyń málim etýinshe, munda oqýshylar 9-synypqa deıin oqıdy. Byltyr NCOC kompanııasynyń demeýshiligimen 80 oryndyq bilim ordasynyń jańa ǵımaraty paıdalanýǵa berilgen.

Qazir mekteptiń 1-9 synyptarynda 41 oqýshy bilim alady. Ótken oqý jylynyń tórtinshi toqsanynda oqý júıesinde aýylda ınternet joqtyǵyna baılanysty qıyndyq bolǵan.

«Oqýshylar sanynyń azdyǵy baılanysty sabaqtyń shtattyq rejımde ótýi aýyldaǵy ınternet qıyndyǵyn jeńildetti. Mekteptiń robototehnıka, bıologııa, kórkem eńbek synyptary sońǵy úlgidegi jabdyqtarmen qamtylǵan. Uldar eńbek páninde stanoktarda jumys isteýge mashyqtanady. Al qyzdar eńbek pániniń muǵalimi Maıdagúl Haırýllınanyń tájirıbesimen is mashınasyn paıdalanyp, maska tigýdi úırenip júr» -deıdi dırektor Qabyl Ǵubashev.

Onyń aıtýynsha, qyzylúılik oqýshylar bir aıǵa jetpeıtin ýaqytta 100-ge jýyq maska tigip úlgergen.

«Mektepke tiginshilik, aspazdyq mamandyqqa arnalǵan qural-jabdyqtardyń kelýi oqýshylardyń mamandyq tańdaýyna septigin tıgizip otyr. Qazir 8-9 synypta oqıtyn qyzdardyń arasynda tiginshilik mamandyqty meńgerýge nıet bildirgender bar. Olar bos ýaqytynda kóılek, keýdeshe tigýdiń qyr-syryn suraýdan jalyqpaıdy»- deıdi kórkem eńbek pániniń muǵalimi Maıdagúl Haırýllına.

Eske sala ketelik, budan buryn Atyraý oblysynyń mektepterine 738 353 dana oqýlyq jetkizilgenin habarlap edik.


Bizdiń kanalymyzǵa jazylyńyz:

Bólisińiz:

Avtor:

Bek Mustafa

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT