+7 (701) 759 90 19
USD 419.69 EUR 510.89
RUB 5.63 CNY 64.82
Jańalyqtar

Atyraý oblysynda monıtorıng tobynyń jumysy kúsheıtiledi

2020 jylǵy 24 qarasha 10:05
Bólisińiz:
Atyraý oblysynda monıtorıng tobynyń jumysy kúsheıtiledi

ATYRAÝ. QazAqparat – Atyraý oblysynda monıtorıng toptarynyń jumysy kúsheıtiledi, dep habarlaıdy QazAqparat óńirlik kommýnıkatsııalar qyzmetine silteme jasap.

Uqsas jańalyqtar

Bul týraly oblys ákimi Mahambet Dosmuhambetov ótkizgen keńste belgili boldy.

«Qazir álem elderindegi ahýal kúrdelene tústi. Tipti birqatar oblystaǵy jaǵdaıdy kórip otyrmyz. Sondyqtan kez kelgen ýaqytta daıyn bolýymyz kerek. Qaýiptiń aldyn alý úshin monıtorıng toptary ásirese, demalys kúnderi jumysyn kúsheıtsin. Halyqqa indettiń qaýpi týraly túsindirý, eskertý jumysyn jandandyryńyzdar»,- dedi Mahambet Dosmuhambetov.

Jıynda densaýlyq saqtaý, polıtsııa, sanıtarııalyq-epıdemıologııalyq baqylaý departamentteri, «Atameken» kásipkerlik palatasy jáne qala, aýdan ákimderi atqarylyp jatqan jumystary boıynsha esep berip, usynystaryn jetkizdi.

Oblys ákimi apparaty basshysynyń orynbasary Erlan Galıev monıtorıng toptarynyń jumys tıimdiligin arttyrýǵa qatysty birqatar naqty usynysyn aıtty.

Sondaı-aq, shekara beketinde elimizge kelýshilerge baqylaýdy kúsheıtý, senbi-jeksenbi kúnderi tekseris sharalaryn kóbeıtý, kásipkerler karantındik sharalardy birneshe ret buzǵan jaǵdaıda lıtsenzııasynan aıyrý másleleri de talqyǵa salyndy.

Basqosý sońynda óńir basshysy qaýly talaptaryn qatań saqtaýdy, monıtorıngtik top jumysyn turaqty zerdelep otyrýdy, túsinik jumysyn keńinen júrgizip, jaýapty tulǵalardyń birlese is-qımyl jasaýyn, sonymen qatar baqylaýdy kúsheıtýdi tapsyrdy.

Bıylǵy 5 maýsym-20 qarasha aralyǵynda monıtorıng toptary 6120 tekseris júrgizip, 15 122 nysan tekserilgen. 2005 materıal jınaqtalyp, 86 mln teńgege jýyq aıyppul salynǵan.

Onyń ishinde 579 ákimshilik is jeke jáne zańdy tulǵalarǵa qatysty toltyrylǵan.

Eske sala ketelik, buǵan deıin Atyraýda eki aıda salynǵan modýldi ınfektsııalyq aýrýhana ashylǵanyn habarlap edik.


Bizdiń kanalymyzǵa jazylyńyz:

Bólisińiz:

Avtor:

Bek Mustafa

Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT