+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Atyraý oblysynda mektep býhgalterleri 40 mln. teńgeden astam qarajatty zańsyz ıelenip ketken

2019 jylǵy 21 qarasha 05:16
Bólisińiz:
Atyraý oblysynda mektep býhgalterleri 40 mln. teńgeden astam qarajatty zańsyz ıelenip ketken

ATYRAÝ.QazAqparat- Atyraý oblysynyń Tekserý komıssııasy Jylyoı aýdanynyń bilim berý salasynda aýdıt júrgizdi, - dep habarlaıdy QazAqparat tilshisi.

Uqsas jańalyqtar
2 mln teńge para: Jambyl oblystyq kóshi-qon departamentiniń basshysy úıqamaqqa alyndy Túrkistan oblysy ákiminiń orynbasary sybaılas jemqorlyqtyń oryn alý sebepterin aıtty Túrkistan oblysynda jemqorlyq táýekelderi 50%-dan  2%-ǵa tómendedi

Aýdandyq bilim berý bólimine qarasty 20 uıym tekserilip, tutastaı alǵanda, 9 mlrd. teńge qamtyldy. Aýdıt nátıjesinde jalpy somasy 228 mln. teńgeden astam buzýshylyqtar anyqtaldy. Qarjylyq buzýshylyqtardyń somasy – 200 mln.teńgeden astam.

Osy sharalarǵa jaýapty, Atyraý oblysynyń tekserý komıssııasynyń múshesi Asylan Qumarovtyń málimetinshe, aýdıtorlar 16 jalpy bilim beretin mektepke bólingen repýblıkalyq transfertterdiń maqsatsyz paıdalanylýyn anyqtap, onyń somasy 23 mln. 283 myń teńgeni quraǵan. Sonyń ishinde, býhgalterlik esepke alýǵa jatatyn málimetterdi jasyrýdyń 9 faktisi bolǵan. «Bir mekteptiń esepshisi jalaqyny negizsiz tóleı otyryp, 2017-2019 jyldary óziniń jeke esep-shotyna 23 mln. teńge aýdarǵan. Taǵy bir mekteptiń esepshisi osyndaı jaǵdaıda osy jyldary 18 mln. teńgeni jymqyrǵan. Atalmysh faktiler boıynsha jınalǵan materıaldar sheshim alý úshin quqyq qorǵaý organdaryna berildi», - dedi Asylan Qumarov. Budan basqa da qarjylyq buzýshylyq faktileri anyqtaldy. Máselen, issapar shyǵyndaryn artyq tóleý, tapsyrys berýshiniń jetkizýshini josyqsyz dep taný týraly sotqa ýaqytyly shaǵymdanbaýy, eseptelgen salyqty tóleýden jaltarý, oqý jabdyqtarynyń paıdalanylmaı turýy jáne basqa da buzýshylyqtar. Atyraý oblysy boıynsha tekserý komıssııasy óńirdiń bilim berý salasyna monıtorıng jasap, aýdıt júrgizýdi jalǵastyrýda. Basty mindet – bıýdjet qarajatynyń tıimdi paıdalanylýyn baqylaý.
Bizdiń kanalymyzǵa jazylyńyz:

Bólisińiz:

Avtor:

Abaı Abylaıuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT