Atyraý oblysynda kólikten shyqqan órt turǵyn úıdi sharpydy
2022 jylǵy 21 qańtar 22:08

Atyraý oblysynda kólikten shyqqan órt turǵyn úıdi sharpydy

ATYRAÝ. QazAqparat – Atyraý oblysynda kóliktegi gaz jabdyǵynyń aqaýynan shyqqan órt turǵyn úıdi sharpydy, dep habarlaıdy QazAqparat.

Qyzylqoǵa aýdanynyń Jasqaırat aýylynda «ÝAZ» kóligine ornatylǵan gaz jabdyǵynan aqaý shyqqan. Sonyń saldarynan gaz-aýa qospasy jarylǵan.

«Bul týraly búgin, 21 qańtarda saǵat 12:56-da habar tústi. Qutqarýshylar oqıǵa ornyna jetkende avtokólik pen turǵyn úıdiń 160 sharshy metr aýmaqta shatyry janyp jatqany anyqtaldy. Jalyn saǵat 14:40-ta aýyzdyqtalyp, saǵat 16:10-da tolyq sóndirildi», - dep habarlady departamenttiń baspasóz qyzmetinen.

Eske sala ketelik, buǵan deıin Atyraý oblysynda bir kólik órtenip, ekinshisi aýdarylyp qalǵanyn habarlaǵan edik.


Avtor:
Tilshi

Jańalyqtar

MURAǴAT