FÝTBOLDAN ÁLEM ChEMPIONATY-2022
  Jańalyqtar  >

Atyraý oblysynda KamAZ ben 840 tonna mal azyǵy órtenip ketti

2022 jylǵy 6 qazan, 11:44
Atyraý oblysynda KamAZ ben 840 tonna mal azyǵy órtenip ketti

ATYRAÝ. QazAqparat – Atyraý oblysynda KamAZ júk kóligi men 2400 orama shóp órtenip ketti, dep habarlaıdy QazAqparat tilshisi.

Oblystyq tótenshe jaǵdaılar departamentiniń qoǵammen baılanys tobynan málim etkendeı, órt Jylyoı aýdanynyń Shoqpartoǵaı aýylynda bolǵan.

Bul týraly aqparat tótenshe jaǵdaılar departamentiniń 101 baılanys ortalyǵyna keshe, 5 qazanda saǵat 12:09-da túsken.

«Jylyoı aýdany, Shoqpartaı aýylyndaǵy Bopaı hanym kóshesinde ashyq aýmaqta mal azyǵy úshin jınalǵan shóp janyp jatqany týraly shaqyrtý tústi. Shoqpartoǵaı aýyly Jylyoı aýdandyq órt sóndirý bóliminen 27 shaqyrym qashyqtyqta ornalasqan. Órt sóndirýshiler shaqyrtý ornyna jetkende KamAZ markaly júk kóligi órtengenin anyqtady. Sonyń saldarynan jalyn ashyq alańda jınaýly turǵan orama shópti sharpyǵan», -dep habarlady departamenttiń qoǵammen baılanys toby.

KamAZ júk kóligi de, 1 250 sharshy metr alańda jınalǵan 2400 orama shóp, ıaǵnı 840 tonnaǵa jýyq mal azyǵy túgi qalmaı janyp ketti. Órt saǵat 16:06-da oqshaýlanyp, saǵat 17:50-de tolyq sóndirildi.

Qazir órttiń shyǵý sebebi anyqtalyp jatyr. Zardap shekkender joq. Órtti sóndirýge oblystyq tótenshe jaǵdaılar departamentiniń 8 qyzmetkeri men 2 tehnıkasy tartyldy.

Eske sala ketelik, budan buryn Kaspıı teńiziniń jaǵalaýyndaǵy qamys órti tolyǵymen óshirilgenin habarlaǵan bolatynbyz.


Vıdeodan alynǵan kadr/ instagram.com/atyrau_tjd

Tegı:
Uqsas jańalyqtar
Seriktester jańalyqtary

Jańalyqtar