+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Atyraý oblysynda Isataı Taımanulyna eskertkish ornatyldy

2019 jylǵy 15 qarasha 16:44
Bólisińiz:
Atyraý oblysynda Isataı Taımanulyna eskertkish ornatyldy

ATYRAÝ. QazAqparat – Atyraý oblysynda halyq kóterilisiniń saıası kósemi, qaısar qolbasshy Isataı Taımanulyna eskertkish ornatyldy, dep habarlaıdy QazAqparat.

Isataı aýdanynyń ortalyǵy Aqqystaý aýylynda qoıylǵan eskertkishtiń avtory – QR Sýretshiler odaǵynyń múshesi, músinshi Serik Matenııazov. Bıiktigi 12 metr bolatyn eskertkish taza qoladan quıylǵan.

Saltanatty sharaǵa qatysqan oblys ákiminiń birinshi orynbasary Serik Shapkenov Isataı batyr eskertkishin respýblıkadaǵy eń eńseli ári tuǵyrly músinniń biri ekendigin atap ótti.

«Mundaı shoqtyǵy bıik alyp eskertkishtiń naqty Isataı aýdanynda ashylýy zańdy qubylys. Bul istiń basy-qasynda bolyp, jospardyń oıdaǵydaı oryndalyp, ýaqytyly ornatylǵany úshin jergilikti jaýapty tulǵalarǵa alǵys bidiremin. Búgingi mindetimiz – uly tulǵalarymyzdy ulyqtaý. Osy arqyly óskeleń urpaqty tárbıeleýimiz kerek. Naıza ustaǵan aıbarly Isataı batyr eskertkishi respýblıkadaǵy eń eńseli ári tuǵyrly músin. Barsha ısataılyqtardy aıtýly merekemen quttyqtaımyn», - dedi Serik Shapkenov.

Bir mınýt únsizdikten soń eskertkishti oblystyq Ardagerler qoǵamynyń tóraǵasy Qatımolla Rızýanov, Aýǵan soǵysy ardagerleri oblystyq qoǵamy tóraǵasynyń orynbasary Beıimbet Narımanuly jáne Aýǵan soǵysy jaýyngeriniń jesiri Qalıma Ábýova ashty.

Aıta keteıik, shara aıasynda oblysqa tanymal ǵalym Amangeldi Shamǵonovtyń Isataı Taımanuly týraly jaryq kórgen kitabynyń tusaýy kesildi.

Bizdiń kanalymyzǵa jazylyńyz:

Bólisińiz:

Avtor:

Abaı Abylaıuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT