+7 (701) 759 90 19
USD 425.37 EUR 492.66
RUB 5.97 CNY 66.15
Jańalyqtar

Atyraý oblysynda halyq sanaǵyn júrgizýge 1 myńǵa jýyq adam tartylady

2021 jylǵy 11 tamyz 01:01
Bólisińiz:
Atyraý oblysynda halyq sanaǵyn júrgizýge 1 myńǵa jýyq adam tartylady

ATYRAÝ. QazAqparat – Atyraý oblysynda halyq sanaǵyn júrgizýge 913 adam tartylady, dep habarlaıdy QazAqparat.

Uqsas jańalyqtar
Ulttyq sanaq: Astanada 1,5 myń ıntervıýer úılerdi aralaýda Sanaqta ıntervıýerlerdi úıge jibermeıtin bolsa, senimdi derekter alynbaýy múmkin- sarapshy Pavlodar oblysynda ulttyq sanaq júrgizetin adam jetispeıdi

Bul týraly oblys ákimi Mahambet Dosmuhambetovtiń tóraǵalyǵymen ótken jıynda belgili boldy.

Ulttyq statıstıka bıýrosynyń Atyraý oblysy boıynsha departamentiniń basshysy Galıa Muhanǵalıevanyń aıýtynsha, halyq sanaǵynyń daıyndyq kezeńi 1-30 maýsym aralyǵynda ótkizilgen.

Bul jumysqa 170 adam tartylǵan. Olar turǵyn úılerdiń, ǵımarattar men turǵyn emes úı-jaılardyń tizimin jasaqtap, turǵyndardyń sanyn naqtylaǵan.

«Ulttyq statıstıka bıýrosynyń «Aýdandastyrý» avtomattandyrylǵan jumys orny aqparattyq júıesine Atyraý oblysynan 176 389 nysan engizildi. Aralaý jumystarynyń qorytyndysymen 175 641 nysan anyqtaldy. Josparly nysandardyń 99,6% qamtyldy. Qate nysandardyń sany – 2 178. Óńirde 149 negizgi tirkeý ýchaskesinen bólek arnaıy uıymdarda 139 nysan qalyptastyryldy. Onda turaqty turatyndardyń sany 2 877 adamdy, 11 369 tósek-oryndy qurady. Osylaısha, anyqtalǵan nysandardaǵy turǵyndar arnaıy uıymdarda turaqty turatyndardyń sanyn qosa alǵanda 664 493 adamdy qamtyp otyr» -deıdi Galıa Muhanǵalıeva.

Onyń aıtýynsha, halyq sanaǵyna daıyndyq kezeńin ótkizý kezinde birqatar problema týyndaǵan.

Ásirese, sanaq personalynyń jaýapsyzdyǵy men nemquraılyǵy, kóshe ataýlary men úı nómirleri ilingen anshlagtardyń joqtyǵy qıyndyq týǵyzǵan.

Sondaı-aq, Atyraý oblystyq sáýlet jáne qala qurylysy basqarmasymen usynylǵan eldi mekenderdiń shemalyq kartalarynda keıbir nysandardyń belgilenbeýi, kóptegen úı sharýashylyqtarynyń sanaqtan beıhabar bolýy jumysqa keri áserin tıgizgen.

«Ulttyq halyq sanaǵynyń negizgi kezeńinde Atyraý oblysy boıynsha 913 adam ýaqytsha jumysqa tartylady. Onyń ishinde 114 nusqaýshy-baqylaýshy men 799 ıntervıýer bolady» -dep málim etti Ǵalıa Muhanǵalıeva.

Oblys ákimi Mahambet Dosmuhambetov atalǵan kemshilikterdi joıyp, qala, aýdan ákimderine halyq sanaǵyna qoldaý bildirý qajettigine nazar aýdardy.

«Intervıýerlerdi vaktsınatsııalaýdan ótkizý qajet. Al, mamandardyń qaýipsizdigin qamtamasyz etý úshin qajettilik týyndaǵan jaǵdaıda ýchaskelik polıtsııa qyzmetkerleriniń birlesip aralaýyn uıymdastyrý, sanaq personaldaryn qajetti oryn-jaımen, qural-jabdyqtarmen qamtamasyz etý kerek. Nusqaýshy-baqylaýshylar men mamandardyń qoǵamdyq kólikte tegin júrýin uıymdastyrǵan jón» -dedi Mahambet Dosmuhambetov.

Eske sala ketelik, budan buryn Atyraý oblysynda halyq sanaǵyn júrgizýge 168 mln teńge bólingenin habarlaǵan edik.

Bizdiń kanalymyzǵa jazylyńyz:

Bólisińiz:

Avtor:

Bek Mustafa

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT