Atyraý oblysynda dızel otynyn zańsyz satqan JShS basshysy sottaldy
2022 jylǵy 30 maýsym 09:50

Atyraý oblysynda dızel otynyn zańsyz satqan JShS basshysy sottaldy

NUR-SULTAN. QazAqparat - «Azııa TEG» jáne «Evro-Azııa TEMP» JShS-niń dırektoryna qatysty is tergeýi aıaqtaldy, dep habarlaıdy Qarjy monıtorıngi agenttiginiń baspasóz qyzmeti.

Seriktestik basshysy 2021 jyly munaı ónimderin ıemdený, tasymaldaý jáne ótkizý maqsatynda Jylyoı aýdanynyń aýmaǵynan shyǵarylý zańdylyǵyn rastaıtyn qujattarsyz 3 myń tonna dızel otynyn satyp alyp, ony Mańǵystaý oblysyna tasymaldap, barlyǵy 796,5 mln teńgege ótkizip, zańsyz paıda túsirgen.

Sonymen qatar, atalǵan tulǵa «Evro-Azııa TEMP» JShS-niń dırektory bola tura, 2021 jyly Jylyoı aýdanynyń aýmaǵynan qujattarsyz 3 myńǵa jýyq tonna dızel otynyn satyp alyp, ony Mańǵystaý oblysyna tasymaldap, barlyǵy 990 mln teńgege ótkizip, zańsyz paıda túsirgen.

Sot úkimimen atalǵan seriktestik basshysy kináli dep tanylyp, úsh jyl bas bostandyǵynan aıyrý jazasy taǵaıyndalyp, QR Táýelsizdiginiń otyz jyldyǵyna baılanysty raqymshylyq jasaý týraly Zańy negizinde úsh jyl merzimge bas bostandyǵynan aıyrý jazasy úshten bir bóligine qysqartylyp, túpkilikti eki jyl merzimge bas bostandyǵynan aıyrý jazasy taǵaıyndalǵan.

QK-niń 63-babynyń talaptaryna saı, taǵaıyndalǵan jaza shartty dep eseptelinip, 2 jylǵa probatsııalyq baqylaý belgilengen.


Uqsas jańalyqtar

Jańalyqtar

Úrdis

MURAǴAT