+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Atyraý oblysynda bir kúnde eki adam sýǵa ketti

2021 jylǵy 22 maýsym 02:00
Bólisińiz:
Atyraý oblysynda bir kúnde eki adam sýǵa ketti

ATYRAÝ. QazAqparat – Atyraýda bir kúnde eki adam sýǵa ketti, dep habarlaıdy QazAqparat.

Uqsas jańalyqtar
Elordada 12 jasar bala sýǵa ketti Aqmola oblysynda jaz bastalǵaly 21 adam sýǵa ketken Qaraǵandy oblysynda 2 adam sýǵa batyp ketti

Oblystyq Tótenshe jaǵdaılar departamentiniń baspasóz qyzmetinen málim etkendeı, keshe, 20 maýsymda Qurmanǵazy jáne Jylyoı aýdandarynda eki adam belgilenbegen orynda shomylyp, sýǵa batyp ketken.

«Qurmanǵazy aýdanyndaǵy 21 jastaǵy jigit saǵat 9:00 shamasynda jeke kóligin jóndetý úshin Shortanbaı aýylyndaǵy jumystasynyń úıine barǵan. Keıin saǵat 16:30 shamasynda kólik jóndeıtin jumystasymen birge sýǵa túsý úshin Qıǵash ózeniniń jaǵalaýyna kelgen. Kólik ıesi ózen jaǵalaýyndaǵy temir pırstan sýǵa sekirgen. Shamaly ýaqyttan soń sýdan shyqpaǵan júrgizýshige alańdaǵan dosy dereý jergilikti polıtsııa ınspektory men aýyl turǵyndaryna habarlap, sýǵa batqan jigitti izdestirý jumysyn bastaǵan», - dedi departamenttiń baspasóz qyzmetinen.

Oqys oqıǵa týraly habar Qurmanǵazy aýdanyndaǵy №7 órt sóndirý bólimine saǵat 17:15-te túsken. Aýdannyń jedel-qutqarý jasaǵynan 6 qyzmetker, 1 tehnıka men 1 júzý qaıyǵy jumyldyrylyp, keshki saǵat 19:00-de sýǵa batqan jigittiń denesi ózennen shyǵarylǵan.

Sol kúni Jylyoı aýdanynda da 1983 jyly týǵan er adam sýǵa batyp ketken.

«Turǵyzba aýylynda eki jigit qoı kezegine shyqqan. Kúnniń ystyǵynan salqyndaý úshin 38 jastaǵy jigit Jem ózenine sýǵa túsken. Ol sýǵa sekirgen boıda batyp bara jatqany týraly aıǵaılap, kómek suraǵan. Alaıda, jaǵada qalǵan azamattyń kómektespek bolǵan áreketinen nátıje shyqpaǵan» dep málim etti baspasóz qyzmetinen.

Bul týraly 112 nómiren saǵat 17:20-da habarlanǵan. Jylyoı aýdandyq jedel-qutqarý jasaǵynyń 4 qyzmetkeri saǵat 18:03-te sýǵa ketken jigittiń denesin jaǵaǵa shyǵarǵan.

Eske sala ketelik, buǵan deıin Atyraýda sýǵa batqan eki jasóspirim qutqarylǵan bolatyn.


Bizdiń kanalymyzǵa jazylyńyz:

Bólisińiz:

Avtor:

Bek Mustafa

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT