Atyraý oblysynda bir kólik órtenip, ekinshisi aýdarylyp qaldy
2022 jylǵy 20 qańtar 23:11

Atyraý oblysynda bir kólik órtenip, ekinshisi aýdarylyp qaldy

ATYRAÝ. QazAqparat – Atyraý oblysynda bir kólik órtenip, ekinshisi aýdarylyp qaldy, dep habarlaıdy QazAqparat.

Oblystyq tótenshe jaǵdaılar departamenti baspasóz qyzmetiniń málimetinshe, byltyr 103 kólik órti tirkelgen.

«Júrgizýshiler kólikterin jıi tekseristen ótkizbeıdi. Kóliktiń órtiniń deni elektr jelisiniń tuıyqtalýynan bolady. Byltyr 32 júk kóligi, 64 jeńil avtomobıl, 4 avtobýs, ózge de 3 tehnıka órtendi. Osyndaı kólik órti 19 qańtarda saǵat 08:39-da tirkeldi. Atyraý qalasynyń Gýrevskaıa kóshesinde ornalasqan «Ajar» saýda ortalyǵynyń aldynda Volkswagen Golf markaly avtokóligi otqa orandy. Qutqarýshylar kóliktiń qozǵaltqysh bóligi elektr jelisiniń tuıyqtalýynan órtengenin anyqtady. Bul kólik zaýyttan 2003 jyly shyǵarylǵan», -dep habarlady departamenttiń baspasóz qyzmeti.

Al, búgin, 20 qańtarda saǵat 09:00 shamasynda «Atyraý-Inder» tas jolynda Volvo markaly júk kóligi aýdarylyp qaldy. Kólik rýlinde otyrǵan 32 jastaǵy júrgizýshi basqarý júıesin ıgere almaǵan.

«Bul júk kóliginiń aýdarylýyna basty sebep retinde qarastyrylyp otyr. Mańǵystaý oblysynyń ıeligindegi júk kóligi Túrkimenstan Respýblıkasynan Reseı Federatsııasyna baǵyt alǵan. Júk kóligine qyzanaq tıelgeni anyqtaldy», -dep málim etti oblystyq polıtsııa departamentiniń baspasóz qyzmetinen.

Eske sala ketelik, buǵan deıin Atyraý oblysynda qatty jel shatyrdy ushyryp, elektr baǵanyn kólik ústine qulatqanyn habarlaǵan bolatynbyz.


Avtor:
Tilshi

Jańalyqtar

MURAǴAT