FÝTBOLDAN ÁLEM ChEMPIONATY-2022
  Jańalyqtar  >

Atyraý oblysynda batpaqty jerde taǵy da qamys byqsyp jatyr

2022 jylǵy 6 qazan, 14:41
Atyraý oblysynda batpaqty jerde taǵy da qamys byqsyp jatyr

ATYRAÝ. QazAqparat – Atyraý oblysynda batpaqty jerde taǵy da qamys byqsyp jatyr. Órt sóndirýshiler kóligi órt aýmaǵyna jete almaı otyr, dep habarlaıdy QazAqparat.

Atyraý qalasynyń turǵyndary birneshe kúnnen beri jaǵymsyz ıiske shaǵymdanýda. Bul týraly áleýmettik jelilerge de jazyp jatyr.

Al oblystyq Tótenshe jaǵdaılar departamenti qoǵammen baılanys tobynyń aqparatyna qaraǵanda, búgin, 6 qazanda qamystyń byqsyp jatqany anyqtalǵan.

«Jergilikti ýaqytpen saǵat 11:10-da Atyraý qalasyna taıaý ornalasqan Keńózek aýyl okrýginiń aýmaǵynan shamamen 10 shaqyrym qashyktyqta qamystyń byqsyp jatqany anyktaldy. Jeldiń baǵyty Kaspıı teńizine qaraı soǵýda. Qamys byqsýyn sóndirýge órt sóndirý kólikteri bara almaı otyr. Sebebi, qamys batpaqty jerde byqsyp jatyr. Eldi mekenge qaýip tónip turǵan joq. Qala turǵyndary shaǵymdanǵan jaǵymsyz ıistiń qamys byqsýyna qatysy joq», - dep habarlady departamenttiń qoǵammen baılanys tobynan.

Eske salaıyq, Kaspıı jaǵalaýynda qamys órti buǵan deıin de tutanǵan edi. Jalyn oshaǵynan eki órt sóndirýshi evakýatsııalandy. Otpen kúreske tikushaq tartyldy.

Kaspıı jaǵalaýyndaǵy órt 10 kúnnen keıin tolyǵymen óshirildi.



Foto:Habar24



Tegı:
Atyraý oblysy   Oqıǵa   Aımaq   Órt  
Uqsas jańalyqtar
Seriktester jańalyqtary

Jańalyqtar