Atyraý oblysynda aldaǵy bes jylda 93 eldi meken jańǵyrtylady
2022 jylǵy 29 qańtar 17:30

Atyraý oblysynda aldaǵy bes jylda 93 eldi meken jańǵyrtylady

ATYRAÝ. QazAqparat – Atyraý oblysynda aldaǵy bes jylda 93 eldi meken jańǵyrtylady, dep habarlaıdy QazAqparat.

Oblys ákiminiń orynbasary Narıman Taýshovtyń málimetinshe, jańǵyrtý jumystary Atyraý oblysynyń 2025 jylǵa deıingi keshendi damý baǵdarlamasy aıasynda júzege asyrylady.

«Bizdiń oblysta 155 eldi meken bar. Aldaǵy bes jylda 93 eldi mekendi jańǵyrtý jospary túzildi. Josparǵa sáıkes, jyl saıyn 16-17 eldi meken jańǵyrtylady. Máselen, bir aýylda sport kesheni bolmaýy múmkin. Osyndaı máselege basymdyq beriledi. Jańǵyrtylatyn eldi mekenderdegi medıtsına salasyna qajetti ǵımarat salý, jaryq, gazben jabdyqtaý syndy máselelerdi bes jylda sheshýdi maqsat etip otyrmyz, -dep málim etti Narıman Taýshov.

Eske sala ketelik, budan buryn Atyraý oblysynda 16 eldi mekende aýyz sý jelisi júrgiziletinin, sondaı-aq 2025 jylǵa deıin 48 mektep salynatynyn habarlaǵan bolatynbyz.


Avtor:
Tilshi

Jańalyqtar

MURAǴAT