Atyraý oblysynda 9 jasóspirim balabaqshaǵa kirip, astań-kesteńin shyǵarǵan

2022 jylǵy 2 qazan, 21:59
Atyraý oblysynda 9 jasóspirim balabaqshaǵa kirip, astań-kesteńin shyǵarǵan

ATYRAÝ. QazAqparat – Atyraý oblysynda 9 jasóspirim balabaqshanyń ishine kirip, astan-kestenin shyǵarǵan, dep habarlaıdy QazAqparat.

Oqıǵa Jylyoı aýdanynyń ortalyǵy Qulsary qalasynda keshe, 1 qazanda bolǵan.

Mektep jasyndaǵy jasóspirimder keshke taman «Qyzǵaldaq» balabaqshasyna kirgen. Oıynshyqtar men gúlderdi shashyp, astan-kesteńin shyǵarǵan.

Balabaqsha kúzetshisi adamdyq bolmysqa jat teris áreket jasaǵan jasóspirimderdiń ekeýin ustap alǵan. Al, ózgeleri qashyp ketken.

«Jylyoı aýdanynyń Qulsary qalasyndaǵy balabaqsha ishinde bolǵan quqyq buzýshylyq faktisine qatysty 6-7 synypta oqıtyn 9 oqýshy anyqtaldy. Olardyń ata-anasy aýdandyq polıtsııa bólimine shaqyrtylyp, QR Ákimshilik quqyqbuzýshylyq týraly kodeksiniń 127-baby boıynsha jınaqtalǵan is-qujattar sotqa joldandy», -dep habarlady oblystyq polıtsııa departamentiniń baspasóz qyzmeti.

Baspasóz qyzmetiniń málimetine súıensek, sońǵy 3 táýlikte tún ortasyna deıin zańdy ókilderinsiz kóshe kezgen 130-dan astam jasóspirim ustalǵan. Onyń ishinde eki jasóspirim kámeletke tolmaǵandardy beıimdeý ortalyǵyna ornalastyrylǵan.

«Ózge jasóspirimder turǵylyqty meken-jaıy boıynsha ata-analaryna tapsyryldy. Beımezgil ýaqytta qydyrǵan 132 jasóspirimniń ata-anasyna qatysty QR Ákimshilik quqyqbuzýshylyq týraly kodeksiniń 442-babymen hattama toltyrylyp, ákimshilik jaýapkershilikke tartyldy. Jasóspirimder men olardyń ata-analaryna túsindirý jumystary júrgizildi», -dep málim etti baspasóz qyzmetinen.

Eske sala ketelik, buǵan deıin Atyraýda 26 áıel men 52 bala otbasylyq zorlyq-zombylyqqa ushyraǵanyn habarlaǵan edik.

Tegı:
Uqsas jańalyqtar
Seriktester jańalyqtary

Jańalyqtar