Atyraý oblysynda 346 ata-ana balasyna ekpe saldyrmaı otyr

ATYRAÝ. QazAqparat – Atyraý oblysynda balasyna vaktsına saldyrýdan bas tartqan ata-analardyń sany artyp otyr, dep habarlaıdy QazAqparat.

Uqsas jańalyqtar

Mańǵystaý turǵynynyń ekpeden qaıtys bolǵany jaıly aqparat jalǵan – komıtet

«Ókinishke qaraı, óńirde ártúrli sebeptermen ekpeden bas tartqan ata-analar sany azaıar emes. Olar qyzylsha ǵana emes, týberkýlez, sirespe, kókjótel, dıfterııa jáne basqa da aýrý túrlerine qarsy vaktsınadan bas tartýda. Bul óte qaýipti, óıtkeni juqpaly aýrýlar epıdemııasynyń qateri tónýi múmkin. Nemese onyń jappaı jaıylýyna áser etedi. Bıyl oblysta sondaı jaǵdaı oryn alǵany belgili. Tamyzǵa deıin 764 adam qyzylsha juqtyrǵan bolatyn. Odan keıin aýrýdyń taralýyn toqtatyp, ári qaraı jaıylýyna jol bermedik», - deıdi Atyraý oblysy taýarlar men qyzmetter sapasyn baqylaý departamenti basshysynyń mindetin atqarýshy Amantaı Jumaǵalıev.

Búgingi tańda 9-10 aılyq 9645 bala qyzylshaǵa qarsy ekpe alǵan. Osynyń nátıjesinde qyzylshaǵa shaldyqqan balalardyń sany áldeqaıda tómendegen.

«Juqpaly aýrýlardan qorǵanýdyń jalǵyz joly – vaktsına saldyrý. Infektsııa juqtyrýy yqtımal adamdardyń sanyn azaıtyp, aýrýdyń etek alýyna jol bermes úshin sábılerge toǵyz aıynda ekpe salý týraly sheshim qabyldadyq. Buryn bul vaktsına tek bir jasar balalarǵa salynatyn», - dep túsindirdi Amantaı Jumaǵalıev.