+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

Atyraý oblysynda 32 kópbalaly otbasy baspanaly boldy

2019 jylǵy 8 qarasha 20:30
Bólisińiz:
Atyraý oblysynda 32 kópbalaly otbasy baspanaly boldy

ATYRAÝ. QazAqparat - Atyraý oblysynyń Inder aýdanynyń ortalyǵy Inderbor kentinde kópbalaly 32 otbasyǵa «Nurly jer» baǵdarlamasyn júzege asyrý aıasynda jańa baspana kilti tabys etildi, dep habarlaıdy QazAqparat tilshisi.

Uqsas jańalyqtar
Qaıyrymdy jandar kópbalaly otbasylarǵa baspana syılady Almaty oblysynda 22 myńǵa jýyq agrosharýashylyq jumys isteıdi Almaty oblysynda aýyldaǵy 18 otbasy úıli boldy

Kenttegi «Bolashaq» yqshamaýdanynda jańadan boı kótergen «Arý Ana» turǵyn úı alabynda 32 kópbalaly otbasy jaryq ta jaıly jańa úıdiń ıesi atandy. Aýdany 110 sharshy metrdi quraıtyn úıler barlyq negizgi qajettiliktermen qamtylǵan. Sonyń biri - 5 perzenttiń anasy Elenora Mýhıtova.


«Qýanyp turmyn. 6,5 jyldan beri baspana kezeginde turdym. Osy ýaqyt ishinde anamnyń úıinde de turdym, úı jaldap ta júrdim. Búgin, mine, baspanaǵa qol jetkizip, qýanyshym qoınyma syımaı tur», – deıdi kópbalaly ana.

Batyr analarǵa baspana kiltin óz qolymen tabys etken aýdan ákimi Meıirim Qalaýıdyń sózine sensek, aýdanda baspana kezeginde turǵan 1218 ınderlik bar bolsa, sonyń 160-y - kópbalaly otbasylar.



«Oblys basshy Nurlan Asqarulynyń tikeleı qoldaýymen Inder aýdanynda buryn-sońdy bolmaǵan qarqyndy jumystar atqarylyp jatyr. Bul shara da - sol jumystardyń jemisi. Jyl sońyna deıin osy sanattaǵy otbasylarǵa taǵy da 21 úı tabystaǵymyz kelip otyr. Al, keler jyly osy kópbalaly otbasylarǵa arnalǵan 80 páterlik kóp qabatty turǵyn úıdi paıdalanýǵa beremiz dep otyrmyz», - dedi aýdan ákimi.

Budan bólek, 2020 jyly aýdan ortalyǵynda baspana qory 48 páterlik 4 kópqabatty úımen tolyqpaq. Bul úıler de kezekte turǵan azamattarǵa tabystalady.

Oǵan qosa, búgin «Arý Ana» turǵyn úı alaby janynan salynǵan 80 oryndyq mýzykalyq mektep paıdalanýǵa berildi. Onda osy mańda turatyn 250-den astam baladan bólek, Inderbordyń basqa da ónerpaz jastary dombyra, baıan, fortepıano, vokal, horeografııa úıirmelerine qatysa alady.




Bizdiń kanalymyzǵa jazylyńyz:

Bólisińiz:

Avtor:

Abaı Abylaıuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT